काभ्रे,
जिल्ला प्रसासन कार्यालय काभ्रेमा निर्माण ब्यबसायी संघले योजनाहरुको रकम भुक्तानी र निर्माण कार्यको म्याद थपको माग गर्दै धर्ना दिएका छन् । आज (आईतबार) जिल्ला प्रशासन कार्यलय काभ्रेमा धर्ना दिदै कार्य सम्पन्न भएका योजनाहरुको रकम छिटो भुक्तानी दिन भन्दै निर्माण ब्यबसायीले नारा लगाएका छन्। निर्माण ब्यबसायीहरुले सरकारले भुक्तानी नदिँदा बैंकले निर्माण व्यवसायीलाई कालोसूचिमा राखेको, मजदूरलाई पारिश्रमिक दिन नसकेको लगायतका समस्या झेल्नुपरिरहेको बताएका छन् ।
उनीहरुले विमा नर्दिेशिका २०७८ खारेज गर, उपभोक्ता समिति बाट निर्माण कार्य गर्ने नियम खारेज गर, सार्वजनिक खरिद ऐन तथा नियमावली तत्काल संसोधन गर लगाएतका नारा लगाएका थिए । असार मसान्तसम्म निर्माण व्यवसायीले गरेका कामको भुक्तानी नपाएपछि बाध्य भएर आन्दोलनमा उत्रनुपरेकोे व्यवसायीहरुको भनाई छ ।
