काभ्रे,
नमोबद्ध नगरपालिका वडा नम्बर २ दल्सीङ्गे स्थित जनता आधारभूत विद्यालयमा निःशुल्क दन्त शिबिर सम्पन्न भएको छ । रोटरी क्लव अफ धलिखेलको आयोजना, रोटरी सामुदायिक संघ पिपलचौरको समन्वय एवम् धुलिखेल अस्पताल दन्त विभागको प्राविधिक सहयोगमा शिबिर सम्पन्न भएको हो । शिविरमा १ सय ३२ बालबालिकाको दन्त परिक्षण गरिएको थियो । शिविरमा बालबालिकालाई मन्जन र ब्रस प्रयोग गर्ने तरिका, दाँत माझ्ने सहि तरीका बारेमा सिकाईनुका साथै बालबालिकालाई ब्रस तथा मन्जन समेत निःशुल्क वितरण गरिएको थियो । रोटरी सामदायिक सघकी अध्यक्ष सुश्री सविना श्रेष्ठले उक्त प्रशिक्षण दिनुभएको थियो ।
शिविरमा सहभागि ३५ जना महिलाहरुलाई कपडाको पुनः प्रयोग गर्ने मिल्ने सेनिटरी प्याड निःशुल्क वितरण गरिएका थियो । शिविरमा रोटरी क्लव अफ धूलिखेलका कार्यक्रम संयोजक अशोक कमार श्रेष्ठ ,रोटरीयन सुवास काजी श्रेष्ठ, रोटरीयन मनिष योगल श्रेष्ठ, निर्वाचित अध्यक्ष (२०२४–२५) ज्योत्सना सैजुू लगायतको उपस्थिती रहेको थियो ।
