काभ्रे,
काभ्रे जिल्लाको भकुण्डेवेशीबाट तेमाल हुँदै बीपी राजमार्ग निस्कने छोटो दुरीको वैकल्पिक सडक सञ्चालनमा आएको छ । अविरल वर्षाका कारणले अवरुद्ध भएको काभ्रेको भकुन्डेबेंसीबाट तेमाल हुँदै मध्यपहाडी लोकमार्ग छुने सडक खण्ड तेमाल गाउँपालिका अध्यक्ष, उपाध्यक्ष, वडाध्यक्ष, पालिका कार्मचारी लगायतको सक्रियतामा तेमालको खैरेनी हुँदै बीपी राजमार्ग निस्कने छोटो दुरीको वैकल्पिक सडक आजबाट सञ्चालनमा आएको हो ।
भकुन्डेबेंसी–तेमाल खैरेनीबाट सित्खासम्म करिब ३५ किलोमिटर र सित्खाबाट खुर्कोट २० किलोमिटर छ । यो सडक आजबाट नै मोटरसाइकल र साना सवारीका लागि सडक खुलिसकेको छ भने भोलिबाट यात्रुसवाहक बस सञ्चालनमा आउने बताईएको छ । बीपी राजमार्ग अन्तर्गत नेपालथोक–धुलीखेल खण्डमा अस्थायी सडक निर्माण कार्य जारी छ ।
