काभ्रे,रेडियो रोशी,
नमोबुद्द नगरपालिका वडा नं.७ भकुञ्डेबेशीमा अवस्थित श्री नवप्रतिभा अङ्ग्रेजी माध्यामिक बिद्यालयले ४८औं वार्षिकोत्सब भब्यताको साथ मनाएको छ । आज नमोबुद्ध नगरपालिकाका नगरप्रमुख कुन्साङ लामाको प्रमुख आतिथ्यता तथा प्याब्सन काभ्रे जिल्ला अध्यक्ष श्याम बहादुर भुजेलको विशिष्ट आतिथ्यतामा बिद्यालयले ४८औं वार्षिकोत्सब मनाएको हो । वार्षिकोत्सबको अवसरमा बिद्यालयबाट २०८० सालमा एस.इ.इ परिक्षामा सहभागि १० जना विद्यार्थीहरुलाई सम्मान गरेर बिदाई समेत गरेको छ ।
कार्यक्रमलाइ सम्बोधन गर्नुहुदै कार्यक्रमका प्रमुख अतिथि तथा नगरप्रमुख लामाले विद्यालयले बिभिन्न चुनौतीहरुको सामना गर्दै शिक्षाको क्षेत्रमा महत्वपूर्ण योगदान पु¥याएको बताउनुभयो । विद्यालयका शिक्षकहरूले विद्यार्थीहरूलाई गुणस्तरीय शिक्षा प्रदान गर्न अथक प्रयास गरेका छन्। जसको फलस्वरुप, विद्यार्थीहरूले विभिन्न क्षेत्रमा उत्कृष्ट प्रदर्शन गर्दै आएको बताउनुभयो । आगामी दिनमा पनि विद्यालयले शिक्षाको क्षेत्रमा थप उचाई हासिल गर्नेमा आफु आसाबादि रहेको बताउनुभयो । साथै आगामि दिनहरुमा विद्यालयको अझै विकासको लागि आफ्नो तर्फबाट हरसम्भव प्रयास गर्ने बताउनुहुदै विद्यालयका सम्पूर्ण विद्यार्थीहरूलाई उज्ज्वल भविष्यको लागि शुभकामना ब्यक्त गर्नुभयो ।
त्यसैगरी वडा अध्यक्ष धर्म सि लामाले यस बिद्यालयले बार्षिक उत्सबको अवसरमा गरेको यसप्रकारको सास्कृतीक कार्यक्रमले हाम्रो सस्कृतीलाई जीवन्त राख्न महत्वपुर्ण योगदान पुर्याउने बताउनुभयो । बिद्यालयले स्थापना कालदेखी आज ४८औं बार्षिक उत्सब मनाइरहदा बिबिध चुनौती र समस्याहरु झेल्दै आएपनी बिचलित नभई अघि बढेर गुणस्तरीय शिक्षा प्रदान गरिरहेको बताउनुभयो । १० कक्षा सम्म मात्र पढाइ हुँदै आएको यस बिद्यालयमा बिद्यार्थीहरु ११ र १२ पढ्न अन्य बिद्यालयहरुमा धाउनपर्ने अवस्था अन्त्य गर्न आगामी बर्षहरुबाट ११, १२ सम्म पढाई हुने वातावरण मिलाउन आग्रह गर्नुभयो ।
वार्षिक उत्सबको अवसरमा बिद्यालयले गत पुस १९ गतेबाट सञ्चालन गरेको खेलकुद सप्ताहमा विजेता विद्यार्थीहरुलाई विद्यालयका प्रवन्ध निर्देशक रीता सिग्देलले ट्रफी, मेडल र प्रमाणपत्र वितरण गर्नुभएको छ । त्यसैगरी कागेश्वरी आइडल वर्षा लामाले विशेष नृत्य प्रस्तुति दिनुका साथै विद्यार्थीहरुले सस्कृती झल्कने गीतहरुमा नृत्य, गायन प्रस्तुत गरेका थिए ।
कार्यक्रममा नमोबुद्व नगरपालिका नगर युवा परिषद् कार्यकारी उपाध्यक्ष रामेश्वर अधिकारी, वडा नं ७ का वडा अध्यक्ष धर्म सिं लमा, वडा नं ६ का अध्यक्ष टीका बहादुर के.सी, वडा नं ९ का अध्यक्ष वीर बहादुर लामा, रोशी गाउँपालिकाका निवर्तमान उपाध्यक्ष लक्ष्मी उप्रेती बर्तौला, विभिन्न विद्यालयका प्र.अ हरु, अभिभावकहरु लगायतको सहभागिता रहेको थियो । विद्यालयका संस्थापक सन्तोष अधिकारीको सभापतित्व रहेको कार्यक्रम बिद्यालयका शिक्षक मोहन खड्काले सञ्चालन गर्नुभएको थियो ।
