काभ्रे,रेडियो रोशी,
काभ्रे जिल्लाको नमोबुद्ध नगरपालिकामा सामाजिक सुरक्षा भत्ता प्राप्त व्यक्तिहरू लक्षित राष्ट्रिय परिचयपत्र विवरण संकलन कार्य सम्पन्न भएको छ । आईतबार नगर प्रमुख कुनसाङ लामा, प्रमुख प्रशासकीय अधिकृत कृष्ण गिरी, नगरपालिकाका रोजगार संयोजक अमृत खनाल लगायत सम्बन्धित वडाका वडा अध्यक्षहरूको उपस्थितिमा राष्ट्रिय परिचयपत्र विवरण संकलन कार्य सम्पन्न भएको हो ।
नमोबुद्ध नगरपालिकाको आयोजना, जिल्ला प्रशासन कार्यालय धुलिखेलको सहकार्य तथा वडा कार्यालयहरूको समन्वयमा २०८२ बैसाख २१ गते देखि जेठ ४ गते सम्म नगरपालिका भित्रका वडा १ देखि ११ सम्मका सामाजिक सुरक्षा भत्ता प्राप्त व्यक्तिहरू लक्षित राष्ट्रिय परिचयपत्र विवरण संकलन अभियान सञ्चालन भएको थियो ।
यो अवधिमा सामाजिक सुरक्षा भत्ता प्राप्त लक्षित व्यक्तिहरूको वडा वडामै पुगेर १३८ जना पुरुस र १८७ जना महिला गरि जम्मा ३२५ जनाको राष्ट्रिय परिचयपत्र विवरण संकलन गरिएको नगरपालिकाका सामाजिक सुरक्षा तथा पंजीकरण उपशाखाका भिम थापाले जानकारी दिनुभयो ।
त्यस्तै सोहि अवधिमा बैंक सम्म पुग्न नसक्ने बृद्धबृद्धा तथा असक्त नागरिकहरु ५०५ जनालाई घरघरमै पुगेर सामाजिक सुरक्षा भत्ता वितरण गरिएको उहाँले जानकारी दिनुभयो ।
वडा नं. २ बाट १५, वडा नं. १ बाट १२, वडा नं. ११ बाट २६, वडा नं. १० बाट १९, वडा नं. ९ बाट १७, वडा नं. ७ बाट ४८, वडा नं. ८ बाट १५, वडा नं. ६ बाट ३०, वडा नं. ५ बाट ४३, वडा नं. ४ बाट १४, वडा नं. ३ बाट १३ र जेठ ५ गते नगरपालिकाबाट ७३ जनाको सामाजिक सुरक्षा भत्ता प्राप्त व्यक्तिहरू लक्षित राष्ट्रिय परिचयपत्र विवरण संकलन गरिएको थियो ।
