काभ्रे,
आकर्षक रोजगारीको प्रलोभनमा सिन्धुलीका युवकलाई भारत पुर्याएर मिर्गौला निकालिएको घटनामा एकजना पक्राउ परेका छन् । पक्राउ पर्नेमा नुवाकोटका समिर परियार छन् । उनलाई काठमाडौंबाट पक्राउ गरिएको मानव बेचबिखन तथा अनुसन्धान व्युरोका प्रमुख कृष्ण पंगेनीले जानकारी दिनुभयो । परियारमाथि अनुसन्धान भइरहेको छ ।
सिन्धुलीको दुधौली नगरपालिका–१ स्थायी घर भएका खिलबहादुर भुजेलको भारतमा मिर्गौला निकालिएको पाइएको हो । भुजेललाई आकर्षक रोजगारीको प्रलोभनमा पोखराबाट भारतमा पु¥याई बन्धक बनाएर गिरोहले मिर्गौला झिकेको पाईएको छ । डेढ महिनाअघिसम्म पोखरामा ज्याला मजदुरी गरिरहेका उनलाई भारतमा राम्रो होटलमा जागिरको अवसर रहेको भन्दै गिरोहले प्रलोभन देखाइएका थिए ।
