काभ्रे,
गएरातिको बाढी पहिरोबाट देसका बिभिन्न जिल्लाहरुमा जनधनको क्षति भएको छ । गएरातिको भारी सँगै आएको बाढी पहिरोबाट सङ्खुवासभा, ताप्लेजुङ र पाँचथर जिल्ला बढि प्रभावित भएका छन् । सङ्खुवासभाको हेँवा खोलामा गएराति बाढीले बगाउँदा १ जनाको मृत्यु भएको छ । बाढीले बगाएर ल्याएको अवस्थामा पाँचखपन नगरपालिका ५ मा एक शव भेटिएको जिल्ला प्रहरी कार्यालय सङ्खुवासभाले जनाएको छ । चैनपुर नगरपालिका ४ पेङ्कोट र पाँचखपन नगरपालिका ९ मा गएको पहिरोले खोला थुनेपछि आएको बाढीले बगाउँदा ठुलो जनधनको क्षती भएको हो । बाढीले चैनपुर ४ मा निर्माण भईरहेको सुपर हेँवा हाईड्रोमा पूर्णरुपले क्षती पु¥याउँदा १७ जना मजदुर बेपत्ता रहेको वाना प्रहरी चौकीका ईञ्चार्ज टिकाराम राईले जानकारी दिनुभयो । त्यसैगरी,
ताप्लेजुङमा पनि बाढी पहिरोमा परी ४ जना बेपत्ता भएका छन् ।गएराति बाढी पहिरो जाँदा ताप्लेजुङको सिदिङ्वा गाउँपालिका वडा न ६ मेहेलेमा एकै घरका तीन जना र अर्का एक जना बेपत्ता भएका हुन् । र लगातारको वर्षाका कारण पाँचथर जिल्लामा ५ जना मानिस वेपत्ता भएका छन् भने एकजनाको जीवितै उद्धार गरिएको छ । पाँचथरका प्रमुख जिल्ला अधिकारी मेखबहादुर मंग्रातीले जिल्लाका विभिन्न स्थानमा बाढीपहिरोमा परेर ५ जना वेपत्ता भएको जानकारी आएको र एक जनाको उद्धार गरिएको बताउनुभयो । यसैबिच, पूर्वी नेपालका जिल्लामा बाढीपहिरोबाट भएको धनजनको क्षतिप्रति प्रधानमन्त्री पुष्पकमल दाहाल प्रचण्डले दुःख व्यक्त गर्दै उद्धारमा कुनै कमी नगर्न मातहतका निकायलाई निर्देशन दिनुभएको छ । बेपत्ता भएकाहरूको खोजी, उद्धार एवं राहत वितरणमा तत्काल खट्न सुरक्षा निकाय र प्रशासनलाई प्रधानमन्त्रीले निर्देशन दिएको बताउनुभएको छ । प्रधानमन्त्री प्रचण्डले बाढीपहिरो प्रभावितलाई आ–आफ्नो ठाउँबाट सहयोग गर्न आम जनसमुदायसँग अपिल पनि गर्नुभएको छ ।
