काभ्रे,रेडियो रोशी,
विविध कारणवस हुन नसकेको प्रदेश फुलकन्ट्याक्ट कराते महासंघ, बागमती प्रदेशको प्रथम बागमती प्रदेश स्तरिय बृहत् भेला सम्पन्न भएको छ । आज बाग्मती प्रदेश खेलकुद परिसदका सदस्य राजन धितालको प्रमुख आतिथ्यतामा काभ्रे जिल्लाको भकुण्डेवेशी स्थित स्पोर्टस होटलमा प्रथम बागमती प्रदेश स्तरिय बृहत् भेला सम्पन्न भएको हो । कार्यक्रमा बाममती प्रदेश तदर्थ समिति अध्यक्ष केशाब देसारले स्वागत मन्तब्य राख्नुहुदै संघको उदेश्य, गतिबिधि तथा आर्थिक प्रतिबेदनबारे प्रकास पार्नुभएको थियो ।
महासङ्घको प्रथम बागमती प्रदेश स्तरिय बृहत् भेलाबाट अस्मिन सिटौलाको अध्यक्षतामा २१ सदस्यीय कार्यसमिति सर्वसम्मत रुपमा चयन भएका छन् ।
वरिष्ठ उपाध्यक्षमा केशब देसार, उपाध्यक्षहरु अजय मानन्धर, ज्ञानि रत्न शाक्य, प्रतिमा श्रेष्ठ, विष्णु श्रेष्ठ, महासचिव गोबिन्द लाल श्रेष्ठ, सचिव पवन रायमाझी, कोषाध्यक्ष सूर्य बहादुर लामा रहेका छन् । त्यसैगरी सदस्यहरुमा दिल दोर्जे लामा, कृष्ण सुवेदी, भुवन बहादुर तामाङ, सुमन श्रेष्ठ, अर्थमान बजु तामाङ, विजय तामाङ, राज के.सी, शारदा थिङ, आशिष श्रेष्ठ, गोमा मोक्तान तामाङ, राम महर्जन र सञ्जय थापा रहेका छन् ।
भेलाबाट चयन भएका पदाधिकारीहरुलाई अधिवक्ता तथा निर्वाचन प्रमुख कृतिनाथ शर्मा पौडेलले सपथ ग्रहण गराउनुभएको थियो । बागमती प्रदेशको काभ्रेपलाञ्चोक, भक्तपुर, काठमांडौ, सिन्धुली, मकवानपुर, रामेछाप, दोलखा र सिन्धुपाल्चोक जिल्लामा फुलकन्ट्याक्ट करातेको जिल्ला संगठन बिस्तार भैसकेको छ ।
बाममती प्रदेश तदर्थ समिति अध्यक्ष केशाब देसारको सभापतित्व रहेको कार्यक्रममा अधिवक्ता तथा निर्वाचन प्रमुख कृतिनाथ शर्मा पौडेल, फुलकन्ट्राक्ट कराते महासङ्घका अध्यक्ष सालिकराम कुवर, फुलकन्ट्राक्ट करातेका प्रमुख प्रशिक्षक कुमार श्रेष्ठ, फुलकन्ट्राक्ट कराते महासङ्घका महासचिव बिकास महर्जन, फुलकन्ट्राक्ट कराते महासङ्घका केन्द्रिय सदस्य सुनिल आचार्य, जिल्ला प्रतिनिधिहरु लगायतको सहभागिता रहेको थियो ।