भकुञ्डेबेशी– २३ औँ राष्ट्रिय धान दिवस–२०८३ को अवसमा नमोबुद्द नगरपालिकाका २२ उत्कृस्ट कृषकहरु नगद सहित सम्मानित भएका छन् । ‘जलवायुमैत्री प्रविधि, धानमा आत्मनिर्भरता र समृद्धि’ भन्ने मूल नारासहित जनक मा.वि को प्राङ्गणमा आयोजित एक कार्यक्रममा कृषकहरुलाई सम्मान गरीएको हो । नमोबुद्ध नगरपालिकाको आयोजनामा सञ्चालित कार्यक्रममा जिल्ला समन्वय समिती प्रमुख दिपक कुमार गौतमको प्रमुख आतिथ्यता तथा नगर प्रमुख कुन्साङ लामाको विशिष्ट आतिथ्यता रहेको थियो । १ देखि ११ वटै वडाहरुबाट उत्कृस्ट २२ जना कृषकहरुलाई कृषि क्षेत्रमा पुर्याएको योगदानको उच्च मुल्याङ्कन गर्दैै नगद दस हजार सहित सम्मानपत्रद्वारा सम्मान गरिएको हो ।
सम्मानित हुनेहरुमा वडा नं. १ का कृषक सुन्दर नराल र प्रकाश तिमिल्सिना, वडा नं. २ का कृषक मिना मानन्धर र रमेश लाल श्रेष्ठ, वडा नं. ३ का कृषक तिलक तामाङ र गणेश प्रसाद भुर्तेल, वडा नं. ४ का कृषक जित बहादुर श्रेष्ठ र बिदुर चिमौरिया वडा नं. ५ का कृषक रत्न प्रसाद मैनाली लक्ष्मण श्रेष्ठ, वडा नं. ६ का कृषक हिरा बहादुर न्यौपाने र मुक्तिनाथ न्यौपाने, वडा नं. ७ का कृषक राज श्रेष्ठ र अच्युत सिग्देल, वडा नं. ८ का कृषक हरिबोल हुमागाई र दिपेश लामा, वडा नं. ९ का कृषक राम कुमार श्रेष्ठ र कृष्ण प्रसाद श्रेष्ठ, वडा नं. १० का कृषक निर्मल पाठक र उद्धव प्रसाद अधकारी , वडा नं. ११ का कृषक संगम तामाङ र शंकर तामाङ रहेका छन् । उनीहरुलाई प्रमुख अतिथि, विशिष्ट अतिथि र अतिथिहरुले खादा ओढाएर नगद सहित सम्मानपत्रद्धारा सम्मान गरीएको हो।
वडा नं.४ का वडा अध्यक्ष अर्जुन बहादुर कार्किको सभापतित्वमा सम्पन्न कार्यक्रममा नगरपालिकाका प्रमुख प्रशासकीय अधिकृतक कृष्ण गिरी, रोजगार संयोजक अमृत खनाल, सूचना अधिकारी अनिता अधिकारी, बिभिन्न वडाका वडा अध्यक्षहरु, विद्यालयका शिक्षकहरु, भकुन्डेबेशी प्रहरी चौकी प्रमुख गणेश श्रेष्ठ लगायतको सहभागिता रहेको थियो ।
