असार २९,
२०७८,काभ्रे/

बहुमुल्य बुद्धचित्तको ३५ किलो अवैध माला सहित काभ्रे तेमालका पाँच जना रामेछापबाट पक्राउ परेका छन् । रामेछाप जिल्लाको सुनापति गाउँपालिकाबाट अवैध रुपमा काभ्रेतर्फ ल्याउँदै गरेको ३५ किलो बुद्धचित्तको दाना खाँडादेवी गाउँपालिका–१ को खैरेनीघाट नाकाबाट पक्राउ गरिएको हो ।

उक्राउ पर्नेमा काभ्रे तेमाल गाउँपालिका–९ का दुप्सन थोकर, सोही गाउँपालिकाका ३५ बर्षिय रविन लामा, २८ बर्षिय जगत तामाङ, ६० बर्षिय दमाईसिंह तामाङ र ३१ बर्षिय धिरज तामाङ रहेको जिल्ला प्रहरी कार्यालय रामेछापका डिएसपी नवराज ढुंगानाले जानकारी दिए । उनका अनुसार सुनापति गाउँपालिकामा उत्पादित बुद्धचित्तको दाना राजश्व नबुझाई अवधै रुपमा निकासी गर्ने क्रममा लुभुघाटबाट खटिएको संयुक्त टोलीले चेकजाँच गर्दा पाँचजनाको टेलिबाट बुद्धचित्त बरामत गरेको हो ।

बुद्धचित्तको माला सहित दुई वटा मोटरसाइकलसहित चार जनालाई प्रहरीले पक्राउ गरेको छ । जिल्ला प्रहरी कार्यालयले आवश्यक कारवाहीको लागि जिल्ला वन कार्यालयमा बुझाएको छ । सुनापति गाउँपालिका–४ बेथानका वडाअध्यक्ष खड्ग बहादुर घिसिङले आफूहरुले बुद्धचित्तको माला लैजाने व्यापारीहरुलाई अनिवार्य रुपमा राजश्व बुझाएर मात्र लैजान आग्रह गर्दै आएपनि वेवास्था हुँदै आएको बताए । उनका अनुसार प्रतिकेजी तीस रुपैयाँ निकासी कर लगाएको बताए ।

Facebook Comments Box