काभ्रे,
ने.क.पा. माओवादी केन्द्र रोशी ७ को आयोजनामा आज वडा दशै, शुभदीपावली, नेपाल संम्वद ११४३ र छठ पर्वको अवसरमा शुभकामना आदानप्रदान कार्यक्रम सम्पन्न भएको छ । “संसारका मजदुरहरु एक हौँ”भन्ने मूल नाराका साथमा ने.क.पा. माओवादी केन्द्र पार्टी कमिटिको अध्यक्ष तिर्थ बहादुर लामाको को सभापतित्व तथा खेलकुदमन्त्री रत्न ढकालको प्रमुख आतिथ्यतामा उक्त कार्यक्रम सम्पन्न भएको हो । गाउँपालिका उपाध्यक्ष मिमबहादुर वाईवा (ज्वाला)ले विजया दशमी, शुभदीपावली तथा छठ पर्वको उपलक्ष्यमा संस्कार, संस्कृति, आत्मियता, सहिष्णुताका साथ धेरै खर्च र तडग, भडग नगरी सभ्य र सम्मान पूर्वक पर्वहरु मनाउनका निम्ति अनुरोध गर्दै शुभकामना व्यक्तगर्नुभयो ।
कार्यक्रममा रोशी ७ का वडा अध्यक्ष अशोक गौतम, राष्टिय प्रजातन्त्र पार्टीका नेता कुवेर गौतम, रोशी कार्यपालिका सदस्य रीता कोइराला लगायत अन्य समाजसेवी तथा स्थानीयवासीहरुको उपस्थिति रहेको थियो ।
