रोशी सहकर्मी–माघ २,
२०७६,काभ्रे/

पनौती नगरपालिका वडा न ५ ढलमलेमा मोटरसाइकलले ठक्कर दिदाँ पैदल यात्रीको मृत्यु भएको छ । रोशी गाउँपालिका वडा न १० घर भएका जगतमान थिङले चलाएको प्रदेश ३–०२–००१ प ०४७७ नम्बरले ठक्कर दिदाँ पनौती नगरपालिका वडा न ५ का ५० बर्षीय पैदल यात्री रामहरी देउजाको उपचारको क्रममा मृत्यु भएको जिल्ला प्रहरी कार्यालय काभे्रका डीएसपी दीपक गिरीले जानकारी दिनुभयो ।
हिजो साँझमा पनौतीबाट बनेपा तर्फ गइरहेको मोटरसाइकलले देउजालाई ठक्कर दिएको थियो । ठक्कर पछि घाईते देउजालाई बनेपाको शिरमेमोरियल अस्पतालमा उपचारका लागि लगिएको थियो त्यहाँ सम्भव नभएपछि भक्तपुरको नागरिक अस्पतालमा उपचारका क्रममा देउजाको मृत्यु भएको थियो । चालकलाई नियन्त्रणमा लिएको प्रहरीले जनाएको छ ।

Facebook Comments