काभ्रे,
मङ्सिर ४ मा हुने प्रतिनिधि तथा प्रदेशसभा निर्वाचनको क्रममा फेसबुक मार्फत हुने तथ्यहीन सामग्री रोक्न सबै किसिमको सहयोग गर्ने फेसबुक कम्पनी मेटाले जनाएको छ । फेसबुकका प्रतिनिधिसँग हिजो भएको छलऊलको क्रममा सामाजिक सञ्जालबाट निर्वाचनलाई प्रभाव पार्ने, होच्याउने, अपमान गर्ने, द्वेषपूर्ण भाषण राख्ने उम्मेदवार र नेताकार्यकर्ताको निगरानी गर्ने फेसबुकका प्रतिनिधिरुले बताएका हुन् ।
मतादाताले सामाजिक सञ्जाल प्रयोग गर्दा समेत आचारसंहिताको पालना गर्नुपर्ने आयोगका प्रवक्ता शालिग्राम शर्मा पौडेलले बताउनुभयो । आयोगले सामाजिक सञ्जाल भित्र एसएमएस, फेसबुक, मेसेञ्जर, भाइबर, ट्वीटर, यूट्यूब, इन्स्टाग्राम लगायतका माध्यमलाई उल्लेख गरेको छ । आचारसंहिता विपरीत सामाजिक सञ्जालमा सामग्री राख्ने, साझा गर्ने लगायतका गतिविधि गरेमा आयोगले सुरुमा सचेत बनाउने, दोहो¥याए कानुनी उपचार खोज्ने र अन्तिममा कारबाही गर्ने बताएको छ ।
