काभ्रे,
काभ्रे प्रतिनिधि सभा निर्वाचन क्षेत्र नम्बर २ अन्तर्गतको प्रदेश सभा १ का उम्मेदवार लक्ष्मण लम्सालले गठबन्धनमा आबद्ध दलका धुलिखेल नगरस्तरीय नेता तथा कार्यकर्तासँग भेट गर्नुभएको छ । लम्सालले आज गठबन्धनमा आबद्ध दलका धुलिखेल नगरस्तरीय नेता तथा कार्यकर्तासँग भेट गर्नुभएको हो । भेटमा नेपाली कांग्रेसका जिल्ला स्तरीय नेताहरु , नेकपा (एकीकृत समाजवादी) का नेता लम्साल ,माओवादी केन्द्र र नेपाल समाजवादी पार्टीको साझा उम्मेदवार , नेकपा एसबाट बन्द सूचीमा समानुपातिक उम्मेदवार हरि गोपाल प्रधानाङ्ग सहभागि हुनुभएको थियो ।
त्यसैगरि, नेपाली कांग्रेस काभ्रेका जिल्ला कार्य समिति उपसभापति एवं निर्वाचन परिचालन कमिटीका संयोजक रमेश हुमागाई, सहसचिब समिर ब्याञ्जु, धुलिखेल नगर कार्यसमितिका पदाधिकारी, माओवादी केन्द्रका नगर कमिटी अध्यक्ष पृथ्वी थापा सहित पदाधिकारी, नेकपा एसका नगर कमिटी अध्यक्ष दयासागर श्रेष्ठ, सचिब यादव कोइराला लगायत दर्जनौ नेता तथा कार्यकर्ता सहभागि भएका थिए । लम्सालले भोट माग्न मतदाताको घर घर पुग्नु अघि नगरस्तरीय गठबन्धनका नेता कार्यकर्तासँग भएको भेट निकै फलदायी भएको बताउनुभएको छ । लम्साल २०७४ साल मंसिर २१ गते सकिएको चुनावमा यही निर्वाचन क्षेत्रबाट बागमती प्रदेश सभामा विजयी हुनुभएको थियो ।
