दल तथा उम्मेदवारले आफूहरूको एजेण्डामा चासो राख्न पर्ने काभ्रेका विद्यार्थीको माग

भकुण्डेबेसी
दल तथा उम्मेदवारले आफूहरूको एजेण्डामा चासो देखाउनु पर्ने काभ्रेपलाञ्चोकका विद्यार्थीको माग रहेका छन् । चुनाव नजिकिएसँगै नागरिकले आ–आफ्नो क्षेत्रका लागि आवश्यक माग गरिरहेका छन् भने उम्मेदवारले पनि पूरा गर्ने आश्वासन दिइरहेका छन् । तर आफूहरूको आवाज उठाइदिने र सुनिदिने कोही नभएको बालबालिकाहरूको गुनासो छ । उम्मेदवारहरूले पनि बालबालिका र विद्यालयको क्षेत्रमा पर्याप्त ध्यान पु¥याउन सकेका छैनन् । अहिले उम्मेदवारहरूले विकास गर्ने भन्दै बाटोघाटो, सडक, पुल पुलेसालाई महत्व दिँदै घोषणापत्रमा पनि यस्ता विषय प्राथमिकतामा राखेका छन् । शिक्षा र बालबालिकाका विषय समेटिए पनि पर्याप्त नभएको बालबालिका तथा उनीहरूको क्षेत्रमा काम गर्नेहरू बताउँछन् । सामुदायिक विद्यालयको गुणस्तर सुधार, बालबालिकाका मुद्दा उम्मेदवारले उठाए पनि प्राथमिकतामा नपरेको पार्वती माध्यमीक विद्यालयका छात्रा नितिसा तिमल्सिनाले बताउनुभयो । काभ्रेका सुगम ठाउँका केही विद्यालयमा शिक्षाको गुणस्तरत राम्रै भए पनि विकट गाउँपालिकामा गुणस्तरीय शिक्षा सोचे जस्तो छैन । यस विषयमा शिक्षकहरुको अझ बढी ध्याज जान आवाश्यक छ ।काभ्रेमा हाल आधारभुत तहमा ३ सय ७८ र माध्यमीक तहमा १ सय ४९ गरी ५ सय २७ ओटा सामुदायिक विद्यालय छन् ।