काभ्रे,
संरक्षित वन्यजन्तु सालकको आखेटोपहार (खपटा) ९के.जी.सहित तीन जनालाई प्रहरीले पक्राउ गरेको छ । पक्राउ पर्नेमा काभ्रे जिल्लाको रोशी गाउँपालिका–४ का २६ वर्षीय सुरज झेडीमगर ,महाभारत गाउँपालिका–७ का २५ वर्षीय विमान स्याङ्तान र सिन्धुपाल्चोक जिल्लाको सुनकोसी गाउँपालिका–७ का ४९ वर्षीय गोविन्द सेन्चुरी रहेको प्रहरी नायब उपरीक्षक ढुण्डीराज न्यौपानेले जानकारी दिनुभयो । उनीहरुलाई बनेपा नगरपालिका वडा नं. ६ स्थित स्वागत क्याफेबाट पक्राउ गरिएको जिल्ला प्रहरी कार्यालय काभ्रेले जनाएको छ ।
उनीहरुलाई नेपाल प्रहरी प्रधान कार्यालय केन्द्रीय अनुसन्धान ब्यूरो (सिआइबी) काठामाडौँ र काभ्रेपलाञ्चोकस्थित इलाका प्रहरी कार्यालय बनेपाको संयुक्त टोलीले अवैधरुपमा ओसारपसार भइरहेको खपटासहित पक्राउ गरेको हो ।
