काभ्रे,
काभ्रे जिल्लाको तेमाल गाउँपालिकाका जनप्रतिनिधिहरुले उदाहरणीय कार्यको थालनी गरेका छन् । निर्वाचित भएर आएदेखि नै जनताहरुको सुख दुःखको सारथि बन्दै आएका जनप्रतिनिधिहरुले जनताहरुको जीवनस्तर माथि उठाउँन हरदम प्रयास गरिरहेका छन् । तेमाल गाउँपालिकाका प्रत्येक वडाहरुमा स्वास्थ्य शिविरका सञ्चालन भईरहेको छ । घर–आँगनमै स्वास्थ्य सेवा, गापा अध्यक्ष र उपाध्यक्षले निरिक्षण गरेर एक उदाहरणीय कार्यको सुरुवात गरेका छन् । वडाहरुमा सञ्चालित स्वास्थ्य शिविरको गाउँपालिका अध्यक्ष चन्द्र लामा र उपाध्यक्ष डिएम थोकरको टोलीले निरिक्षण गरेका छन् । अध्यक्ष लामा र उपाध्यक्ष थोकरले गाउँपालिकाको वडा नं. ६ मा सञ्चालन भइरहेको स्वास्थ्य शिविरको निरिक्षण गरेका हुन् । निरिक्षणको क्रममा गाउँपालिका अध्यक्ष लामा र उपाध्यक्ष थोकरले शिविर सञ्चालनको अवस्थाको निरिक्षण गराउनुको साथै शिविरको बारेमा लाभग्राहीहशरुसँग प्रतिक्रिया समेत लिनुभएको छ । ४० वर्ष भन्दा माथिका उमेर समूहलाई लक्षित गरि आयोजना गरेको सो शिविरमा नसर्ने रोग सम्बन्धी निःशुल्क स्वास्थ्य तथा ल्याब परिक्षण भइरहेको छ । शिविरको परिक्षण पछि गाउँपालिका अध्यक्ष लामाले तेमाल गाउँपालिकामा सञ्चालन भएको यो शिविर निक्कै महत्वपूर्ण भएकोले आगामी दिनमा स्वास्थ्य नीति बनाउन यो शिविरले मार्गदर्शन गर्ने बताउनुभयो ।
शिविरमा स्वास्थ्य जाँच गर्दा धेरैजसो ब्लब प्रेसारको विरामी भेटिएको स्वास्थ्य शाखा प्रमुख शिवहरि पाठकले जानकारी दिनुभयो । प्रत्येक वडामा २ दिनसम्म सञ्चालन भइरहेको शिविरमा आजसम्ममा ४ वडामा सञ्चालन भइसकेको छ भने वडा नं. ६ मा भोलिसम्म सञ्चालन हुने शिविरमा संलग्न सिनियर अनमि मिना मोक्तानले जानकरी दिए । उनका अनुसार आजसम्ममा ७ सय ५५ जनाको स्वास्थ्य परिक्षण गरिएको छ । मोक्तानका अनुसार वडा नं. ५ मा २ सय ३८ जना, वडा नं. ७ मा ३ सय ८०, वडा नं. ८ मा २ सय २६ जना, वडा नं. ९ मा ३ सय ३५ जना, वडा नं. ६ मा १ सय ५७ जनाको स्वास्थ्य परिक्षण गरिएको छ । शिविर निरिक्षणको लागि गाउँपालिकाको प्रमुख प्रशासकीय अधिकृत केदारप्रसाद ढकाल, वडा नं. ५ का वडा अध्यक्ष हजारसिं लामा, वडा नं. ६ का वडा अध्यक्ष प्रेमबहादुर तामाङ, शिक्षा शाखाबाट भिम दोङ, माओवादी केन्द्रका ६ नं. वडा अध्यक्ष शैलेन्द्र तामाङ लगायतको सहभागीता थियो ।
