पिन्थली ( बनखु सडकमा ठेकेदारको लापरबाही उपाध्यक्ष वाइबाद्वारा लापरबाही नगर्न चेतावनी

पिन्थली, रजबास, बनखु सडक अन्तरर्गत बुद्धपार्क पिन्थली बिचको खण्डमा भैरहेको काममा ठेकेदारको चरम लापरवाही देखिएको पछि स्थानीय बासी राम लामाले पालिका समक्ष गुनासो गरेका छन । ठेकेदारले माटो मिसावट भएको बालुवा प्रयोग गरेको, सिमेन्टको मात्रा नपुगेको कारणले सडक निर्माण कार्य नसकिदै सडक चर्किने, सडक उक्किने समस्या देखिए पछि स्थानियको गुनासो आएको थियो । उक्त गुनासोलाई सम्बोधन गर्दै रोशी गाउपालिकाको उपाध्यक्ष मिम बहादुर वाइबाले अनुगमन गरि मिसावाट बालुवा तत्काल साईटबाट हटाउन लगाई अब यस्तो लापर्वाही नगर्न चेतावानी दिएका छन । यस्तो कार्यले रोशी गाउपालिकाको दिगो विकासमा अवरोध पुग्ने हुँदा यस्तो लापरबाही भएको थाहा पाएमा सम्बन्धित वडा कार्यलय वा गाउपालिका कार्यलयमा खबर गरिदिनुहुन उपाध्यक्ष वाइबाले गाउँपालिका बासी लाई अनुरोध गर्नु भएको छ ।