काभ्रे,
रास्ट्रपति बिद्यादेवी भण्डारीले नेपालमै पहिलो बनेको दश अवतारसहितको ४० फिट अग्लो ब्रह्माको प्रतिमाको अनावरण गर्नुभएको छ । आज (शनिबार) काभ्रेको बनेपा नगरपालिका वडा नं ४ मा स्थानीयहरुले महायज्ञबाट उठेको रकमबाट निर्माण भएको विश्वको तेश्रो, नेपालको पहिलो दश अवतार ब्रह्माको राष्ट्रपति भण्डारीद्धारा अनावरण भएको हो ।
कार्यक्रममा राष्ट्रपति विद्यादेवी भण्डारीले धार्मिक स्थलको संरक्षण गरी समयानुकुल बनाउँदै भावी पुस्तालाइ गौरवपुर्ण सभ्यता हस्तान्तरण गर्नुपर्नेमा जोड दिनुभएको छ । स्वाबलम्बी आर्थिक निर्माण गर्ने क्रममा पर्यटन क्षेत्रको विकास एउटा मुख्य आधार भएको उँहाको भनाइ छ । विश्वका दुई मुलुक भारतको राजस्थान र थाईल्याण्डको बैंककमा दश अवतारसहितको मन्दिर अवस्थित रहेको र नेपालमा भने पहिलो पटक दश अवतारसहितको प्रतिमा निर्माण भएको महादेव खोला ब्रम्हायणी क्षेत्र उत्तरगया समाजका अध्यक्ष पुरुषोतम सापकोटाले जानकारी दिनुभयो ।
