यश कुमार परियार–फागुन १९,
२०७६,काभ्रे/

रोशी गाउँपालिका वडा नं १२ का वडा सदस्य विनोद कुमार सिंजाली मगरको परिवारलाई पालिकाले रु ६० हजार प्रदान गरेको छ । आज मगरको निवासमा पुगी गाउँपालिका अध्यक्ष दल बहादुर (डि.बि.) लामाले उक्त रकम वितरण गरेका हुन् ।
गाउँपालिका अध्यक्ष डि.बि. लामाको अध्यक्षतामा बसेको ४३ औँ कार्यपालिका बैठकले मगरको परिवारलाई उक्त रकम प्रदान गर्ने निर्णय भएसँगै मगरका परिवार, गाउँपालिका उपाध्यक्ष लक्ष्मी कुमारी बर्तौला, प्रमुख प्रशासकिय अधिकृत डम्बरु दाहाल, विभिन्न वडाका अध्यक्षहरु, कर्मचारीहरुको उपस्थितिमा सो रकम विरतरण गरीएको प्रवक्ता पदम बहादुर लामाले जानकारी दिए ।
रकम बुझ्दै परिवारका सदस्यले गाउँपालिकालाई धन्यवाद दिएका छन् । गाउँपालिका अध्यक्ष डि.बी. लामाले आफ्नो पालिका भित्रका वडा सदस्यको निधन प्रति आफु अत्यन्त दुःखी भएको र सिंगो पालिकानै शोकमा रहेको भन्दै परिवारजनमा धैर्यधारण गर्ने क्षमता प्राप्त होस् भने । साथै परिवारमा कुनै समस्या परे त्यसको समाधानमा गाउँपालिकाले सहयोग गर्ने बताए ।
मगरको यहि फागुन ९ गतेका दिन हृदयघातका कारण धुलिखेल अस्पतालमा मृत्यु भएको थियो । उनी स्थानीय तहको निर्वाचनमा तत्कालीन नेकपा (माओवादी केन्द्र) का तर्फबाट वडा सदस्य पदमा विजयी भएका थिए ।

Facebook Comments