काभ्रे,
महाशिवरात्रिको अवसरमा भकुञ्डेबेशीको श्री जगबैजेश्वर महादेब मन्दिरमा बिहानदेखि नै भक्तजनको बाक्लो भिड लागेको छ । महाशिवरात्रिको दिन आज बिहानैदेखि भजन किर्तन गरिएको छ । मन्दिर दर्शनका लागि काभ्रे सहित काभ्रेको छिमेकि जिल्लाहरुबाट समेत आईपुगेका छन् । भक्तजनको शुरक्षको लागि सुरक्षाकर्मिहरु परिचालन गरीएको छ भने खैजेडि भजन,नृत्य भईरहेको छ ।
पर ब्रह्मले फागुन कृष्ण चतुर्दशीका दिन मध्यरातमा शिवरुप धारण गरेकाले मध्यरातमा चतुर्दशी तिथि परेकै दिन पूजा, आराधना, दर्शन गरे यस लोकमा सुख शान्ति र परलोकमा सद्गति प्राप्त हुने शास्त्रीय वचन रहेको छ ।
वैदिक सनातन हिन्दु धर्मावलम्बीहरु आज बिहानैदेखि नदी, कुण्ड र तलाउमा स्नान गरी शिवालयमा गई श्रद्धाभक्तिपूर्वक पूजा–आराधना गर्दछन् । शिवजी उत्पत्ति भएको रातका नामबाट नामकरण भएको यो पर्व कालरात्रि, मोहरात्रि, सुखरात्रि र शिवरात्रि नामक चार प्रमुख रात्रिमध्ये एक पवित्र पर्वका रूपमा शिव पुराण लगायतका ग्रन्थमा उल्लेखित छ।फागुन कृष्ण चतुर्दशीका दिन मनाइने यस पर्वलाई दीनदुःखी र कष्टपूर्ण अवस्थामा रहेका प्राणीको हृदयमा धर्मको उदय गराउने आशुतोष भगवान् शिवको अति प्यारो दिनका रूपमा पनि लिइन्छ।
