यश कुमार परियार–चैत्र ७,
२०७६,काभ्रे/

नमोबुद्ध नगरपालिकाले नगर भित्र रहेका २ आगलागी पिडित र मृतक परिवारलाई सहयोग रकम दिने भएको छ । आज नगर प्रमुख टि.पि. शर्मा तिमल्सिनाको अध्यक्षतामा बसेको विपद व्यवस्थापन समितिको बैठकले उक्त निर्णय गरेका हो । बैठकले नमोबुद्ध नगरपालिका वडा नं १ निवासी खुक बहादुर भण्डारीको मृतक परिवारलाई २० हजार सहयोग रकम उपलब्ध गराउने निर्णय भएको प्रवक्ता ढकालले जानकारी दिए । खुक बहादुरको असोज ४ गते धुलिखेल नगरपालिका वडा नं ११ का श्याम बहादुर तामाङले निर्माण गर्न लागेको घरको पील्लर खाल्डोमा परि निधन भएको थियो ।
त्यस्तै वडा नं ४ का आगलागी पीडित ठुलो बाबु तामाङलाई १० हजार सहयोग रकम प्रदान गर्ने बैठकले निर्णय गरेको छ । तामाङको यहि चैत्र ३ गते विहान ८ बजे घरमा आगलागी हुँदा खाद्यान्न, लत्ता कपडा, अन्य सामग्री जलेर अन्दाजी १ बराबरको क्षती भएको प्रवक्ता ढकालले जानकारी दिए । पीडित ठुलो बाबु तामाङको दुई तले जस्ताको घर समेत पुर्ण रुपमा नष्ट भएको थियो ।

Facebook Comments Box