देबराज उप्रेती,काभ्रे,
काभ्रे जिल्लाको तेमाल गाउँपालिकामा अन्तराष्ट्रिय महिला दिवसको अवसरमा नारी दिवस सँग सम्बन्धित कविता प्रतियोगीता हुने भएको छ । यहि फागुन २४ गते बुधबारका दिन ११३ औं अन्तराष्ट्रिय महिला दिवसको अवसरमा “लैगिक समानताको बलियो आधार सिर्जनात्मक प्रविधिमा महिलाको पहुँच विस्तार” भन्ने राष्ट्रिय नारा सहित तेमाल गाउँपालिका शिक्षिकाहरु बाट नारी दिवस सँग सम्बन्धित कविता प्रतियोगीता हुन लागेको हो । प्रतियोगीतामा कविताको शिर्षक नारी दिवससँग सम्बन्धित हुनुपर्ने बताईएको छ ।
नारायणस्थान मा.वि पाटीचौर ५ मा हुनगईरहेको प्रतियोगीतामा स्वास्थ्य स्वयंमसेविका, विद्यालयमा कार्यरत शिक्षिकाहरु, सरकारी कर्मचारीहरु र जनप्रतिनिधिहरुलाई सहभागीताको लागी अनुरोध गरस्एको छ । महिला मात्र सहभागी हुन पाउने छन् । फागुन २३ गते सम्म नामावली दर्ता गर्न समय तोकिएको छ । कार्यक्रममा प्रथम, दितिय, तृतिय र सान्त्वनालाई क्रमशः आठ हजार(८०००), छ हजार (६०००), चार हजार (४०००) र दुई हजार (२०००) पुरस्कार सहित सम्मानपत्रद्धारा सम्मानित गरिने बताईएको छ । नामावली फोन नम्बर बाट पनि दर्ता गराउन सकिने छ ,जसअनुसार प्रमुख प्रशासकिय अधिकृत ९८४९६६६९६४ तथा महिला विकास शाखा ९८६४६६९५०७ मा जानकारी गराउन सकिने छ ।
