काभ्रे,
नमोबुद्ध नगरपालिका वडा नं ९ मा २०७९÷८० को दोश्रो त्रैमासिकको निकाशा भएको सामाजिक सुरक्षा भत्ता आज वितरण गरिएको छ । वडामा रहेका ३३ जना अशत्त जेष्ठ नागरिक, पूर्ण र आंसिक अपांगता भएका व्यक्ती र एकल महिलाहरु लाई घर घरमा नै गएर भत्ता वितरण गरिएको वडा अध्यक्ष विर बहादुर लामाले जानकारी दिनुभयो ।
नगरपालिकाले उपलब्ध गराएको लुम्बिनी बैकको मोबाईल (घुम्ती) बैंकिङ मार्फत नगरका सामाजिक सुरक्षा शाखाका भिम थापाको टोली, बैंकका प्रतिनिधी सहित वडा नं ९ का जनप्रतिनिधी लगाएको उपस्थितिमा सामाजिक सुरक्षा भत्ता वितरण गरिएको जानकारी वडा अध्यक्ष लामाले बताउनुभयो ।
