रोशी सहकर्मी–चैत्र १५,
२०७६,काभ्रे/
वागमती प्रदेश सभा सदस्य सांसद लक्ष्मण लम्सालले जनसमुदायमा सचेत हुन आग्रह गरेका छन् । कोरोना भाइरस ९कोभिड–१९० नेपालमा पनि फैलिरहेको सन्दर्भलाई लिएर सांसल लम्सालले विभिन्न बुँदामा जनसमुदायलाई अपिल गरेका हुन् ।
लम्सालले यो विपत्तिमा आफूले पाउने १५ दिनको पारिश्रममि बराबरको रकम सरकारले स्थापना गरेको विपत कोषमा जम्मा गर्ने बताएका छन् । आफ्नो निर्वाचन क्षेत्रमा ‘लकडाउन’को समयमा साँझ बिहान मजदुरी गरि आफू र आफ्नो परिवार पाल्नु पर्ने ज्याला मजदुर र बिचल्ली परेकाहरुलाई खाद्यान्नको लागि सहयोग गर्ने सांसद लम्सालले बताए ।
वागमती प्रदेश सभा सदस्य सांसद लक्ष्मण लम्सालले गरेका अपिल:
१- यो बिपत्तिमा मैले आफुले पाउने १५ दिनको पारिश्रमिक बागमती प्रदेश सरकारले स्थापना गरेको कोषमा सामुहिक योगदान गर्ने कुरा भैसकेको छ ।
२- अब १५ दिनको पारिश्रमिक मेरो निर्वाचन क्षेत्रमा लक डाउनको समयमा साँझ बिहान मजदुरी गरि आफू र आफ्नो परिवार पाल्नु पर्ने ज्याला मजदुर र बिचल्ली परेकाहरुलाई खाद्यान्नको लागि सहयोग गर्ने निर्णय गरेको छु ।
३- थाह छ यतिले पर्याप्त हुँदैन । जति सकिन्छ त्यति आ–आफ्नो ठाउँबाट केही गर्ने कोसिस मात्र हो । मनले मात्रै हुँदैन सहयोग गर्न सक्ने क्षमता पनि हुनुपर्छ ।
४- सहयोग गर्न इच्छुक साथीहरूलाई सहयोग गर्न विशेष अपिल गर्दछु । हामी मिलेर सोचौं, गर्न सकिने अझै के छ सुझाव अपेक्षा गर्दछु ।
५- लामो लकडाउनमा उपचार सँगै खाद्यान्नको अभाबले पनि थप समस्या हुनसक्छ ।
६- सामाजिक संजाल मार्फत यो बिपत्तिको समयमा म सम्पुर्ण नेपालीहरुमा आत्मबिश्वासी भएर धैर्यतापुर्बक र दृढसंकल्प साथ आधिकारिक सूचनाहरुलाई लिएर घरमा सुरक्षित बसौं । स्वास्थ्य समस्यालाई लुकाएर होइन नजिककैको स्वास्थ संस्थामा आफू र आफनो परिवारको सदस्यको जाँच गराउनु होला । सचेत भएर काम गर्ने हो हतासमा होइन ।
७- संघ, प्रदेश र स्थानिय सरकारले अघि सारेका योजनामा सहयोग हुने गरि लक्षित समुदायलाई सहयोगमा जुटौं ।
