काभ्रे,
आज रोशी गाउँपालिका वडा नं ५ सिसा खानीमा महिला सशक्तिकरण तालिम तथा शैक्षिक सामग्री वितरण कार्यक्रम सम्पन्न भएको छ । गाउँपालिकाको सहयोगमा सिसाखानी महिला विकास बहुउदेश्य सहकारी संस्थाको आयोजनामा आज १ दिने कार्यक्रम सम्पन्न भएको उक्त सहकारीको अध्यक्ष सन्तोषी तामाङले जानकारी दिनुभयो । तालिममा महिलाहरुको नेतृत्व क्षमता विकास, लैंगिक हिंसा, घरेलु हिंसाका प्रकार, हिंसा न्यूनिकरणका लागि कानुनी उपचार तथा सम्बन्धित सरोकारवाला निकायको जिम्मेवारी सम्बन्धि छलफल भएको हो । साथै सामाजिक, आर्थिक, संस्थागत तथा राजनैतिक तहमा नेतृत्व क्षमता अभिवृद्धि सम्बन्धि छलफल तथा अभिमुखिकरण भएको र कार्यक्रमको सहजिकरण भने अधिवक्ता महेन्द्र थिङले गरेको अध्यक्ष सन्तोषी लामाले जानकारी दिनुभयो ।
कार्यक्रममा रोशी गाउँपालिका वडा नम्बर ५ का विद्यालयहरु गणेश आधारभूत विद्यालय, भूमेस्थान माध्यमिक विद्यालय, सिद्धार्थ प्राथमिक विद्यालय, विद्याविकास प्राथमिक विद्यालयको बालविकासका बालबालिकाहरुलाई स्टेशनरी सामग्री वितरण गरिएको हो । कार्यक्रममा रोशी गाउँपालिका वडा नम्बर ५ को वडा अध्यक्ष निरध्वज लामा, वडा महिला सदस्य मनिता मोक्तान, संस्थाको नेतृत्व तहका महिलाहरु शेयर सदस्य महिलाहरुको उपस्थिति रहेको अध्यक्ष सन्तोषी तामाङले जानकारी दिनुभयो ।
