काभ्रे,
काभ्रेपलान्चोक जिल्लाको रोशी गाउँपालिका ९ मंगलटारमा संचालित २ दिने निःशुल्क स्वास्थ्य शिविरमा ५०१ जना नागरिकको स्वास्थ्य परीक्षण गरीएको छ । माइक्रो बायोलोजी केन्द्रिय विभाग त्रिभुवन विश्वविद्यालयको सहयोगमा संचालित शिविर आज सम्पन्न भएको हो । गाउँपालिका अध्यक्ष दिनेश लामाको प्रमुख आतिथ्यतामा हिजोबाट स्वास्थ्य परीक्षण शुभारम्भ भएकोे हो । शिविरको पहिलो दिन हिजो २३५ जना र आज २३५ जना गरी जम्मा ५०१ जना नागरिकको निःशुल्क स्वास्थ्य परीक्षण गरिएको छ जसमध्ये महिला ३०३ जना र पुरुष १९८ जनाको परीक्षण भएको मंगल जन विजय माध्यमिक विद्यालयका शिक्षक तथा कार्यक्रमका फोकल पर्सन राजेन्द्र प्रसाद अधिकारीले जानकारी दिनुभयो । त्रिभुवन विश्वविश्वविद्यालयका माइक्रो बायोलोजी डिपार्टमेन्ट हेड कोमल राज अधिकारी लगायतका विशेषज्ञको टोलीद्धारा स्वास्थ्य परीक्षण गरीएको हो । शिविरमा विशेष गरी स्त्रीरोग, नाक, कान, घाँटी, ल्याव टेष्ट, जनरल चेकअप गरिएको थियोे ।
