काभ्रे,
रोशी गाउँपालिका वडा नम्बर ७ कटुन्जेमा रहेको रोशी माध्यममिक विद्यालयले ५० औँ वार्षिक उत्सव एवं स्वर्ण जयन्ति धुमधामका साथ मनाएको छ । काभ्रे क्षेत्र नम्बर १ का प्रतिनिधि सभा सदस्य सूर्यमान दोङको प्रमुख आतिथ्यता, गाउँपालिकाको निर्वमान अध्यक्ष तथा विद्यालय व्यवस्थापन समिति अध्यक्ष डि.वि. लामाको सभाअध्यक्षता एवं गाउँपालिका अध्यक्ष दिनेश लामाको विशेष आतिथ्यतामा कार्यक्रम सम्पन्न भएको हो । कार्यक्रममा विद्यालयको स्मारिका विमोचन भएको थियो । कार्यक्रमको अवसरमा प्रधानाध्यापक विन्दू प्रसाद ढुंगानाले वार्षिक शैक्षिक प्रतिवेदन प्रस्तुत गर्नुभएका थियो, जसमा विद्यालयको आयव्यय विवरण, विद्यालयको शैक्षिक तथा भौतिक अवस्थाको विषयमा प्रतिवेदन प्रस्तुत गरिएको हो ।
विद्यालयकोे स्वर्ण जयन्तिको अवसरमा रोशी गाउँपालिकाको उपाध्यक्ष मिमबहादुर वाईवा, प्रमुख प्रशासकिय अधिकृत रामबहादुर तामाङ, कार्यपालिका सदस्यहरु, वडा नम्बर ७ का वडा अध्यक्ष अशोक कुमार गौतम, वडा नम्बर ५ का वडा अध्यक्ष निरध्वज लामा, शान्ति जन आदर्श सेवा केन्द्रका संस्थापक अध्यक्ष शंखबुद्ध लामा, शिक्षापे्रमी, पूर्व विद्यार्थीहरु, अभिभावक, वि.व्य.स. पदाधिकारीहरु तथा ख्यातिप्राप्त कलाकारहरुको उपस्थिति रहेको थियो ।
कार्यक्रमको अवसरमा अतिथिहरुले आगामी दिनहरुमा विद्यालयको शैक्षिक क्षेत्रमा उत्तरोत्तर प्रगतिको कामनाका साथै शुभकामना व्यक्त गरेका थिए । कार्यक्रममा विभिन्न कलाकारहरुकोे बेजोड प्रस्तुति पनि रहेको थियो ।
