देबराज उप्रती,
काभ्रे जिल्लाको बेथानचोक गाउँपालिकाकाले निःशुल्क लोकसेवा एवं शिक्षासेवा आयोग तयारी कक्षा संचालन गर्ने भएको छ । गाउँपालिकाको आ.व. ०७९÷०८० को स्वीकृत कार्यक्रम अनुसार गाउँपालिकाका स्थानीय युवा ÷ युवतीहरुको लागि निःशुल्क लोकसेवा तथा शिक्षासेवा आयोग तयारी कक्षा संचालन गर्न लागिएको हो । गाउँपालिकाले युवापुस्तालाई कुशल नेतृत्व, सफल, मेहनती, प्रतिस्पर्धी र इमान्दार नागरीकको रुपमा स्थापित गराउन निःशुल्क लोकसेवा एवं शिक्षासेवा आयोग तयारी कक्षा संचालन गर्न लागेको हो ।
प्रशिक्षार्थीहरुको उमेर कम्तीमा १८ वर्ष पूरा भई ४० वर्ष ननाघेको हुनुपर्नेछ। महिला, दलित, सिमान्तकृत लोपोन्मुख समुदायका प्रशिक्षार्थीनाई प्राथमिकता दिइने गाउँपालिकाद्धारा प्रकाशित सुचनामा उल्लेख गरीएको छ । निःशुल्क तयारी कक्षामा सहभागि हुन इच्छुक व्यक्तिहरुलाई नेपाली नागरिकताको प्रतिलिपि, कक्षा १२ उत्तीर्ण गरेको शैक्षिक प्रमाणपत्रको प्रतिलिपि र विवाहित महिला भएमा विवाह दर्ताको प्रमाणपत्रको प्रतिलिपि सहित मिति २०८० -०१-०९ गतेभित्र सम्बन्धित वडा कार्यालयमा निवेदन गर्नुहुन गाउँपालिकाले आग्रह गरेको छ ।
