काभ्रे,
नमोबुद्ध नगरपालिकाका नगरप्रमुख कुनसाङ लामाले आन्दोलनरत शिक्षकलाई विद्यालय बन्द गरेर पठनपाठनमा अवरोध नपुर्याउन अपिल गर्नुभएको छ । नगरपालिका भित्रका १ देखि १२ कक्षासम्मका ५ हजारभन्दा बढी विद्यार्थी र तिनका ५ हजारभन्दा बडी अभिभावकहरुको भावनामा चोट पुग्ने र विद्यार्थीहरुको भविष्य माथी खेलबाड गरेर कुनै पनि कार्य नगर्न उँहाले नगरपालिका भित्रका शिक्षकलाई आग्रह गर्नुभएको हो । उँहाले पठनपाठनमा अवरोध पुर्याउने शिक्षकलाई कानुन अनुसार कारबाही गर्ने चेतावनी समेत दिनुभएको छ ।
‘हाल सरकारले दर्ता गरेको शिक्षा बिधयकमा असहमति राखी नमोबुद्ध नगरपालिका भित्रका १ देखि १२ कक्षासम्मका ५ हजारभन्दा बढी विद्यार्थी र तिनका ५ हजारभन्दा बडी अभिभावकहरुको भावनामा चोट पुग्ने र भविष्य माथी खेलबाड गरेर कुनै पनि कार्य गरेमा नमोबुद्ध स्थानीय सरकार टुलुटुलु हेरेर बस्ने छैन । यति भन्दै गर्दा शिक्षकले विद्यालय बन्द गरेर पठनपाठनमा अवरोध नपुर्याउनु होला । यस्ता अवरोध पुर्याउनेहरुलाई कानुन अनुसारको कारबाही हुनेछ ।’ नगरप्रमुख लामाले भन्नुभयो ।
