काभ्रे,
वाग्मती प्रदेश सरकारका खानेपानी, उर्जा तथा सिँचाइमन्त्री तीर्थ लामालाई नेपाली कांग्रेस नमोबुद्ध–काठमाडौं सम्पर्क समितिले बधाई तथा शुभकामना ज्ञापन गरेको छ । आइतबार वाग्मती प्रदेश सरकार विस्तार हुँदा मन्त्रालयको जिम्मेवारी पाउँनुभएका नेपाली कांग्रेस काभ्रेका सभापतिसमेत रहनुभएको तीर्थ लामालाई समितिले शुक्रबार (आज) काठमाडौंमा भव्य कार्यक्रम गरेर बधाई तथा शुभकामना दिएको हो ।
कार्यक्रममा नवनियुक्त मन्त्री एवं काभ्रे कांग्रेस सभापति तिर्थ लामाले पद अस्थायी कुरा भएकाले जनताको सुखदुखमा आफू सधै साथमा रहने प्रतिवद्धता जनाउनुभएको छ । उँहाले पार्टीका नेता कार्यकर्ताको मार्गदर्शनको आधारमा चल्ने भन्दै काभ्रे, पार्टी र कसैको पनि शिर निहुरिने गरी काम नगर्ने प्रतिबद्धता जनाउनुभएको छ । उँहाल ेचारतारे झण्डामुनि बसेर घात गर्न कसैलाई पनि अधिकार नभएको भन्दै उनले सूर्य चिन्हमा भोट हाल्ने, हाल्न लगाउने कोेही पनि कांग्रेस हुन नसक्ने बताउनुभएको छ । जतिसुकै चर्का र लामो भाषण गरेर मतदाता र कार्यकर्तालाई भ्रममा पार्न खोजिए पनि आफ्नो मनलाई ढाट्न नसकिने बताउनुभयो ।
त्यसैगरी, कांग्रेस पूर्व केन्द्रीय सदस्य हुमागाईले अबसरसंगै चूनौती पनि थपिएको भन्दै त्यसलाई काभ्रे र समग्र प्रदेशवासीको हितमा उपयोग गर्न अनुरोध गर्नुभएको छ । उँहाले एकपछि अर्को गल्ती नगर्न काभ्रेमा कार्वाही सिफारिस गरिएका नेताहरुलाई अनुरोध गर्नुभएको छ ।
कार्यक्रममा प्रतिनिधी सभा क्षेत्र नं १ का सभापति एवं रोशी गाउँपालिका अध्यक्ष दिनेश लामा, प्रदेश सभा १ (क) का सभापति राम योञ्जन, १ (ख) का सभापति चन्द्रबहादुर लामा, नमोबुद्ध नगर सभापति एवं नगर प्रमुख कुनसाङ लामा, तेमाल गाउँपालिका अध्यक्ष चन्द्रबहादुर तामाङ, नेपाली कांग्रेस नमोबुद्ध–काठमाडौं सम्पर्क समितिका सभापति आकाश तामाङ उपसभापति सिद्धिबहादुर दाहाल लगायतले पार्टीमा अनुशासन कायम गर्दै एकतावद्ध भएर लाग्नुपर्नेमा जोड दिएका छन् ।