काभ्रे,
क्षमता अभिवृद्धिको लागि काभ्रे जिल्लाका महिला पत्रकारहरुलाई ३ दिने पत्रकारिता तालिमको उद्घाटन भएको छ । नेपाल पत्रकार महासंघ काभ्रेको आयोजना र जिल्ला समन्वय समिती काभ्रेको समन्वयमा सन्चालन गरिएको तालिम आजबाट ३ दिने पत्रकारिता तालिम सुरु भएको हो । तालिममा सहभागिहरुलाई फोटो पत्रकारिता, आधारभूत पत्रकारिता, फिचर समाचार लेखन, रेडियो पत्रकारिता लगायतका विषयमा प्रशिक्षण दिईने बताईएको छ ।
उद्घाटन समारोहलाई सम्बोधन गर्दै प्रमुख जिल्ला अधिकारी पुण्य विक्रम पौडेलले महिलाहरूलाई यस प्रकारका तालिमले उर्जा थप्ने बताउदै, तालिममा सिकेको कुरालाई व्यवहारमा पनि उतार्न आग्रह गर्नुभएको छ । त्यसैगरी, प्रमुख अतिथी जिल्ला समन्वय समिति काभ्रेका प्रमुख दिपक कुमार गौतमले काभ्रेका महिला पत्रकारहरुलाई अझ सशक्त बनाउन र महिलाहरुलाई मिडियामा स्थापित गराउनका लागि यस प्रकारका तालिम आवश्यक रहेको बताउनुभयो ।
