रोशी सहकर्मी–चैत्र २४,
२०७६,काभ्रे/

पूर्व सांसद तिर्थ लामाले विपन्न परिवारलाई खाद्यान्न सहयोग गरेका छन् । बिश्वब्यापी रुपमा फैलिएको कोरोना भाईरसको कारणले देश लकडाउन छ । पुर्व सांसद लामाको नेतृत्वमा स्थानिय समाजसेवीहरु साथै आफ्नो व्यक्तिगत तर्फबाट विभिन्न स्थानमा राहत वितरण भएको उनले जानकारी दिए ।

उनका अनुसार खानीखोला गाउँपालिकाको वडा नं १ र ४, पनौती, बनखु, बुढाखानी साथै काठमाण्डौका केहि स्थानमा लक डाउनको समयमा खान बस्न समस्यामा परेका लाई सहयोग गरेको बताए ।

जो समस्यामा परे पनि नेपाली नै पर्ने हो भन्दै अति बिपन्न परिवारलाई थप सहयोग गर्दै जाने बताए । कोरोना भाईरसको कारणले गर्दा अति बिपन्न परिवारलाई झन संकटमा पर्ने खतरा बढेको भन्दै पूर्व संसाद तिर्थ लामाले यो समयमा सरकारको मुख ताकेर मात्र समस्या समाधान नहुने र सबैजना लागि पर्नुपर्ने बताए ।

साथै कोहि कसैमा समस्या परे स्थानिय जनप्रतिनिधिहरुलाई सम्पर्क गर्न अन्यथा आफु सदैभ सहयोगका निमित्त तत्पर रहेको उनको भनाई छ ।

Facebook Comments Box