काभ्रे,
केयुको ग्रीन हाइड्रोजन टिमले ऊर्जा, जलस्रोत तथा सिँचाइ मन्त्रीलाई हालसम्म भएको प्रगतिको विवरण बुझाएको छ । धुलिखेल स्थित काठमाडौं विश्वविद्यालय (केयु) को ग्रीन हाइड्रोजन टिमले हालसम्म भएको प्रगतिको विवरण हिजो एक कार्यक्रमका बिच ऊर्जा, जलस्रोत तथा सिँचाइ मन्त्रीलाई बुझाएको हो । केयुको ग्रीन हाइड्रोजन ल्याबका प्रमुख प्रा.डा. विराजसिंह थापा, केयुका प्राज्ञिक, औद्यौगिक संयोजक डा. लामा र ग्रीन हाइड्रोजन पीएचडी स्कलर इन्जिनियर लक्ष्मण लामा नेतृत्वको टोलीले उर्जा मन्त्रीलाई भेटर प्रगति विवरण बुझाएको हो ।
टोलीले उर्जा मन्त्री र उर्जा सचिबलाई भेटेर नेपालमा सस्तो, सुलभ ग्रीन हाइड्रोजन उत्पादन गर्न, निर्यात गर्न, देशमै रोजगार सिर्जना गर्न र देशको आर्थिक अवस्था सुधार गर्न ग्रीन हाइड्रोजन प्रविधिले टेवा पुर्याउने बारे जानकारी गराएको थियो । भेटमा उर्जामन्त्री बस्नेतले केयुको ग्रीन हाइड्रोजन अभियानको उच्च प्रशंसा गर्दै मन्त्रालयले यसलाई चाहिने आवश्यक नीति तथा नियम चाँडै ल्याउने प्रतिबद्धता जनाउनुभएको थियो ।
