काभ्रे,
आज नेपाल रेडक्रस सोसाइटी मंगलटार उपशाखाद्धारा रक्तदान कार्यक्रम सम्पन्न भएको छ । विश्व रेडक्रस दिवसको अवसरमा मंगलटार उपशाखा मार्फत आयोजना गरिएको उक्त रक्तदान कार्यक्रममा ४४ जना युवाद्धारा रक्तदान गरिएको हो । नेपाल रेडक्रस सोसाइटी काभ्रेको प्राविधिक सहयोगमा उक्त कार्यक्रम सम्पन्न भएको हो ।
कार्यक्रममा समाजसेवी तथा रेडक्रस कर्मी अर्जुन मैनालीले रु. २५ हजार आर्थिक सहयोग पनि गरेको मंगलटार उपशाखाले जानकारी दिनुभयो ।कार्यक्रममा नेपाल रेडक्रस सोसाइटी मंगलटार उपशाखाका प्रमुख दामोदार श्रेष्ठको सभापतित्व एवं रोशी गाउँपालिका अध्यक्ष दिनेश लामाको प्रमुख आतिथ्यता रहेको थियो । कार्यक्रमम ाजिल्ला रेडक्रस काभे शाखाका सभापति रघुनाथ हुमागाई, ईलाकाप्रहरी कार्यालय मंगलटारको इन्चार्ज पन्चलालगोलेको उपस्थिति रहेको उपशाखाले जानकारी दिनुभयो । रक्तदान गरेर अमुल्य सहयोग गर्ने सम्पूर्ण युवाहरुलाई सम्मानका साथ प्रमाणपत्र पनिवितरण गरिएको मंगलटार उपशाखाले जानकारी दिनुभयो ।