काभ्रे,
सरकारले यस वर्ष रसायनिक मलको अभाव हुन नदिने बताएको छ । कृषि तथा पशुपक्षी विकास मन्त्रालयका सचिब गोविन्द प्रसाद शर्माले सरकारसँग रासायनिक मलको पर्याप्त मौज्दात रहेका कारण रसायनिक मलको अभाव हुन्छ भन्ने हल्लाको पछाडि नलाग्न आग्रह गर्नुभयो । यसैबीच, कृषि मन्त्री डाक्टर वेदुराम भुसालले नेपालमा हालसम्म कृषि ऐन नै नरहेको बताउनुभएको छ ।
हिजो सिंहदरबारमा बसेको दिगो विकास तथा सुशासन समितिको बैठकमा मन्त्री भुसालले नेपाल कृषिप्रधान देश भएपनि हालसम्म कृषि ऐन नै नहुनु दुःखद भएको बताउनुभयो । उहाँले अहिले मन्त्रालयले कृषि ऐन बनाउनका लागि मस्यौदा तयार पारिरहेको र कृषि ऐन बनाउन सकेमात्रै पनि कृषि उपज कतिपय समस्या समाधान हुने बताउनुभयो ।
