यश कुमार परियार–चैत्र २६,
२०७६,काभ्रे/

रोशी गाउँपालिकाले स्थापना गरेको विपद व्यवस्थापन कोषमा पालिका अध्यक्ष डि.बि.लामाको बहिनि दुर्गा लामाले रु २० हजार सहयोग गरेकी छन् । यस विश्वभर फैलिएको कोरोना भाईरस अर्थात कोभिड १९ महामारी रोकथामका निमित्त दाजुले चालेको अभियानलाई सफल बनाउन सहयोग गरेको दुर्गा लामाले बताईन् ।
“दिनहुँ हजारौको संख्यामा वि.पि. राजमार्ग हुँदै मानिसहरु भोक भोकै हिँडीरहेको देख्दा धेरै दुःख लाग्यो” उनले भनिन् “उनिहरुलाई खानाको व्यवस्था गर्नको निमित्त यस रकमले सहयोग पुग्ने अपेक्षा छ ।”
यसैबिच, काभ्रे चौरी देउराली गाउँपालिका वडा नं ७ मादन कुडारीका जुम्ल्याहा ईन्जिनीयर राम लामा र लक्ष्मण लामाले पनि कोषमा २० हजार सहयोग गरेको गाउँपालिका अध्यक्ष लामाले जानकारी दिए ।
यस अघि सिद्धार्थ बैंक कटुञ्जे शाखाले ३० हजार र नेकपा रोशीले १० हजार, बागमती अञ्चल ट्रीपर ब्यबसायि संघबाट १ टन चमल, सामुदायिक बचत तथा ऋण सहकारी संस्था लि.पनौतीले ५२५ किलो चामल, स्थानीय समाजिक संस्था दयालु हातहरुका अध्यक्ष बिलाम मुक्तानले प्राथमिक उपचारमा आवश्यक औषधी सहयोग गरिसकेका छन् ।

रकम सहयोग गर्ने दुर्गा लामा, जुम्ल्याहा ईन्जिनीयर राम लामा र लक्ष्मण लामा

Facebook Comments