काभ्रे,
नेपाल रेडक्रस सोसाइटी मंगलटार उपशाखाले प्राकृतिक बिपदमा पर्नुभएका माइला लामालाई आर्थिक तथा खाद्यान्न सहयोग गरेको छ । उपशाखाले हिजोे साँझ परेको पानीसंगै सडक माथिबाट आएको लेदोले घर पुर्ण क्षति भएका लामालाई सहयोग गरेको हो । मंगलटार गाउँ हुदै आउने खोल्सामा आएको ठुलो बाढीले घर पुर्ण क्षति भै घरमा भएका कुनैपनि सर सामान निकाल्न नपाएको अबस्थामा नेपाल रेडक्रस सोसाइटी मंगलटार उपशाखाको सभापति दामोदर श्रेष्ठ,जिल्ला सदस्य ज्ञान बहादुर तामाङको नेतृत्व र रेडक्रसकर्मिहरुको उपस्थितिमा राहत स्वरुप खाद्यान्न सामग्री चामल दाल चाउचाउ लत्ताकपडा भाडाकुडा साथै नगद रु १३,७४५ (तेह्र हजार सात सय पैतालिस रुपैया) पीडित माइला लामालाइ हस्तान्तरण गरिएको हो ।
यसैबिच, बीपी राजमार्गको रोशी गाउँपालिका खण्डमा एकतर्फी यातायात सूचारु भएको छ । अहिले कालढुंगामा भने बढी समस्या छ । कालढुंगा बाहेक हिजो अवरुद्ध भएको सबै ठाउँमा डोजर लगाएर लेदो पन्छाएपछि यातायात पूर्णरुपमा सञ्चालनमा आएको छ । कालढुंगामा चारवटा सवारी साधन लेदोले पुरेको थियो । हिजो साँझ परेको पानीसंगै सडक माथिबाट आएको लेदोले रोशी गाउँपालिका क्षेत्रका विभिन्न ठाउँमा बीपी राजमार्ग अवरुद्ध भएको थियो ।
