काभ्रे,
नमोबुद्ध नगरपालिका वडा नं ७ भकुण्डेबेशीँमा अवस्थित श्री नव प्रतिभा अङ्ग्रेजी माध्यमिक विद्यालयको “प्रतिभाको गोरेटो” नामक मासिक भित्ते पत्रिका प्रकाशन गरीएको छ । केही समय अघि गठन गरिएको प्रतिभापूर्ण नामक बालक्लबले आफ्नो अगुवाइमा विद्यालयमा अध्ययनरत बालबालिकाहरुको प्रतिभालाई समेटेर “प्रतिभाको गोरेटो” नामक मासिक भित्ते पत्रिका प्रकाशन गरेको होे । विद्यार्थीहरुमा रहेको अन्तर्निहित प्रतिभाहरुलाई उजागर गर्ने र गराउने उद्धेश्यका साथ प्रकाशन गरिएको यस पत्रिकामा विद्यार्थीहरुद्वारा लिखित कथा, कविता, मुक्तक, चुट्किला, गीत, गजल, सुसेली, निबन्ध, सामान्य ज्ञान एवं विभिन्न समसामयिक ज्ञानवर्धक लेख रचनालाई समावेश गरिएको छ ।
मासिक भित्ते पत्रिकालाई विद्यार्थीहरुले ड्रइङ पेपरमा हातले नै लेखेर सुन्दर र आकर्षक ढङ्गले तयार पारेका छन् । बालबालिकाको प्रतिभालाई उजागर गराउनका साथै सामजमा विद्यमान विभिन्न किसिमका कुरीति र कुसंस्कारप्रति जनचेतना जगाएर समाजमा स–ुसन्देश फैलाउनु पनि बालक्लबको उद्धेश्य रहेको बालक्लबका सचिव तथा यस पत्रिकाका प्रधान सम्पादक रेजिना मैनालीले बताउनुभयो । उँहाले भावी दिनमा धूम्रपान, मध्यपान, बालविवाह, दाइजोप्रथा जस्ता विभिन्न कुसंस्कारलाई न्यूनीकरण गराउन समाजमा जनचेतना फैलाउने कार्यहरुका साथै सडक नाटक समेत गर्ने तयारी रहेको बताउनुभयो ।
