काभ्रे,
आज १६ औँ गणतन्त्र दिवसको अवसरमा काभ्रेपलाञ्चोक जिल्ल्लाका लोकतान्त्रिक गणतन्त्र प्राप्तिको आन्दोलनमा जीवन अर्पण गर्नुभएका शहीदका परिवारलाई सम्मान गरिने भएको छ । कार्यक्रम विहान ११ बजेबाट बनेपाको पाटी भेन्यूमा शुरु हुने जिल्ला समन्वय समिति काभ्रेपलाञ्चोकका प्रमुख दिपक कुमार गौतमले जानकारी दिनुभयो । काभ्रेपलाञ्चोक जिल्लाभर २८४ जना शही द परिवार छन् ।
हजारौँको बलिदान, लाखौँ नागरिक सडकमा उत्रिएर ल्याएको गणतन्त्र दिवस विभिन्न कार्यक्रम आयोजना गरी देशभर मनाइँदैछ । जननिर्वाचित पहिलो संविधानसभाबाट २०६५ जेठ १५ गते निरंकुश राजतन्त्रको विधिवत अन्त्य गर्दै नेपालमा सङ्घीय लोकतान्त्रिक गणतन्त्रात्मक शासन व्यवस्था प्रारम्भको घोषणा भएको थियो । दिवसको अवसरमा सरकारले आज सार्वजनिक बिदा दिएको छ ।