काभ्रे,
तेमाल गाउँपालिकाले आर्थिक वर्ष २०८०÷०८१ को बजेट सार्वजनिक गरेको छ । हिजो (बिहीबार) पुर्व उर्जा राज्य मन्त्री माननीय सुर्यमान दोङको प्रमुख आतिथ्यता एवं गाउँपालिकाका अध्यक्ष चन्द्र बहादुर तामाङको सभाध्यक्षतामा उपाध्यक्ष दलमान थोकरले १३ औं गाउँ अधिवेशन मार्फत ५० करोड ९३ लाख ९० हजार ६२५ रुपैयाँको बजेट सार्वजनिक गर्नुभएको हो ।
बजेट गाउँसभाले सर्वसम्मत पारित गरिएको छ । बजेटमा संघीय सरकार सशर्त अनुदान २१ करोड ७१ लाख, प्रदेश सरकार सशर्त अनुदान २ करोड २१ लाख ८६ हजार, संघीय सरकार समानिकरण अनुदान ९ करोड ४ लाख, प्रदेश सरकार समानिकरण अनुदान ८६ लाख ६४ हजार रहेको छ । त्यसैगरी संघीय सरकार राजश्व बाँडफाँटबाट प्राप्त रकम ८ करोड ११ लाख ७६ हजार,प्रदेश सरकारको राजश्व बाँटफाँटबाट २ करोड १८ लाख ६४ हजार ६५२, संघीय सरकार समपूरक अनुदान ८० लाख, प्रदेश सरकार समपूरक अनुदान २ करोड ५० लाख,संघीय सरकार विशेष अनुदान ५० लाख, प्रदेश सरकार विशेष अनुदान १ करोड र आन्तरिक आय २ करोड अनुमान गरिएको छ ।
गाउँपालिकाले चालु खर्च तर्फ ७ करोड १३ लाख ४ हजार ६५२ विनियोजन गरेको छ । शिक्षा तर्फा ८० लाख, स्वास्थ्य तर्फ १ करोड, विपद् व्यवस्थापन तर्फ १८ लाख, प्रकोप कोष १३ लाख, लैंगिक समानता तथा समावेशिकरण तर्फ २५ लाख, न्यायिक समिति १० लाख, राजस्व फिर्ता रकम ४० लाख, प्राविधिक शाखा ५ लाख, वडा नं. ५ को कार्यालय निर्माणको लागि १५ लाख, वडा नं. २ कार्यालय निर्माणका लागि ८ लाख, पालिकाको जेसिवी खरिद ५० लाख विनियोजन गरिएको छ ।
