काभ्रे,
काभ्रे जिल्लाको धुलिखेलमा योग तथा पुर्वकर्म सम्बन्धी अभिमुखीकरण कार्यक्रम सम्पन्न भएको छ । जिसस प्रमुख काभ्रेका दीपककुमार गौतमको प्रमुख आतिथ्यतामा होमस्टे, होटेल तथा रिसोर्ट सञ्चालकहरूका लागि अभिमुखीकरण कार्यक्रम गरीएको हो । जिल्ला आयुर्वेद स्वास्थ्य केन्द्र काभ्रेको आयोजनामा होमस्टे, होटेल तथा रिसोर्ट सञ्चालकहरूका लागि योग तथा पुर्वकर्म सम्बन्धी अभिमुखीकरण कार्यक्रममा ९० जनाको सहभागिता रहेको थियो ।
कार्यक्रमलाई सम्बोधन गर्दै जिसस प्रमुख दीपककुमार गौतमले व्यक्तिको व्यस्ततालाई योग र पुर्वकर्मतसँग जोडेर अघि बढ्नु पर्ने बताउनु भयो । व्यक्ति आफ्ना लागि भन्दा अरूका लागि दौडिरहँदा उसले आफ्नो व्यक्तिगत व्यवहार, हेरचाह र स्वास्थ्यमा ख्याल पु¥याउन नसकेको गौतमले बताउनु भयो । कार्यक्रममा डा. बशमबदाले होटेल, होमस्टे र रिसोर्टमा पछिल्ला समयमा स्पा, योगका कार्यक्रम सुरु भए पनि विशेषज्ञ नभएकाले त्यसबाट हुन सक्ने सम्भावित जोखिमका बारेमा जानकारी गराउनु भएको थियो । कार्यक्रममा क्षेत्रीय होटेल संघका सचिव ज्योत्सना सैजु, होमस्टे महासंघका बागमती प्रदेश अध्यक्ष गोविन्द हुमागाई, विशेषज्ञ योग गुरु श्रीराम पाण्डे लगायतले अभिमुखीकरण कार्यक्रममा योग तथा पुर्वकर्मका बारेमा जानकारी गराउनु भएको थियो ।
