काभ्रे,
महिला वेपत्ता बनाएको मुद्दामा तपस्वी रामबहादुर बम्जन साधारण तारेखमा रिहा भएका छन् । महिला वेपत्ता सम्बन्धी कसुरमा आरोपित ‘तपस्वी’ बम्जनलाई नुवाकोट प्रहरीले १५ वर्ष कैद र पाँच लाख रुपैयाँ जरिवानाको माग दाबीसहित मुद्दा दायर गरेको थियो । उनलाई छुट्टै मुद्दा दायरका लागि सिन्धुपाल्चोक लगिएको छ ।
अदालतमा सो मुद्दाका सम्बन्धमा भएको थुनछेक बहसपछि जिल्ला न्यायाधीश सुभाषवावु पुरीको इजलासले बम्जनलाई साधारण तारेखमा रिहा गर्ने आदेश दिएको हो । बम्जनमाथि २०६९ सालमा नुवाकोटको म्यागङ गाउँपालिका–३ की २० वर्षीया एक युवतीलाई आश्रमबाटै वेपत्ता बनाएको आरोप छ ।
