काभ्रे,
वन र बारीमा पाइने अल्लो दोलखाका महिलाको आम्दानीको स्रोत बन्न थालेको छ । केही समय अघि अल्लोको धागो बनाउने तालिम पाएपछि बजारमा प्रतिकिलो १७ सय रुपैयाँसम्ममा विक्ने अल्लोको धागो दोलखाका महिलारुले दैनिक कम्तिमा १ किलोसम्म बनाउँदै आएका छन् । दोलखाको जिरी नगरपालीका ५ की ३६ वर्षिया कमलमाया जिरेलले केही महिना अघि अल्लोको धागो बनाउने तालिम पाएपछि दैनिक १ किलो धागो बनाउँदै आएको बताउनुभयो ।
जिरी नगरपालिका ५ मा रहेको जिरी अल्लो सङ्कलन प्रशोधन तथा बिक्रीवितरण केन्द्रमा आपूm जस्तै १७ जना महिलाले अल्लोको धागो बनाउने गरेको उहाँको भनाइ छ । अल्लोको धागो बजारमा राम्रो मुल्यमा बिक्री हुन थालेसँगै दोलखामा उद्योग नै दर्ता गरेर धागो बनाउन थालिएको छ । जसले गर्दा खेर गइरहेको अल्लो रोजगारी र आम्दानीको स्रोत बनेकोे उद्योगका अध्यक्ष नाइकेबहादुर जिरेलले बताउनुभयो ।अल्लो समुद्री सतहदेखि एक हजार २०० मिटर माथिको पहाडी भू–भागमा पाइने वनस्पति हो । अल्लोको बोक्रामा हुने रेशा नरम, बलियो र चम्लिको हुने भएकोले अल्लोको धागोबाट जुत्तादेखि टोपीसम्मका विभिन्न कपडा,झोला आदि बनाइन्छ।
