काभ्रे,
यौन दुर्ब्यवहारको आरोप लागेका पनौती नगरपालिका वडा नम्बर २ मा रहेको कुशादेवी माध्यामिक विद्यालयका शिक्षक छविरमण गौतम पक्राउ परेका छन् । विद्यालयको कोठाभित्रै छात्रा माथि यौन दुर्व्यवहार गरेको आरोप लागेका कुशादेवी मा.वि.को गणित शिक्षक तथा सहायक प्रधानाध्यापक छवि रमण गौतम आज (शुक्रवार) पक्राउ परेका हुन् । इलाका प्रहरी कार्यालय बनेपाका प्रमुख डिएसपी रेसम बोहराका अनुसार गौतमलाई बनेपाबाट पक्राउ गरिएको हो ।
कक्षा १० मा पढ्ने छात्राहरुले अघिल्लो हप्ताको शुक्रबार नै विब्यसमा शिक्षक गौतमले यौन दुब्र्यवहार गरेको भन्दै निवेदन दिएको थिए । सोही निवेदनका आधारमा विब्यसको आकस्मिक बैठकले गौतमलाई स्पष्टिकरण सोधेको थियो । स्पष्टिकरण चित्तबुझ्दो नभएपछि हाजिर नगराउने निर्णय गरिएको थियो ।
