यश कुमार परियार–जेठ १३,
२०७७,काभ्रे/
जिल्लामा क्रियाशील पत्रकारलाई प्रमुख प्रतिपक्षी दल नेपाली कांग्रेसले सहयोग गरेको छ ।
नेपाली काँग्रेसको केन्द्रीय सदस्य एवम केन्द्रीय ट्रेड युनियन विभागका संयोजक शिवप्रसाद हुमागाईले आज नेपाल पत्रकार महासंघ काभ्रेशाखाको कार्यालय बनेपामा एक कार्यक्रमका बीच काभ्रेपलाञ्चोक जिल्लाका सञ्चारकर्मीलाई ४० बढि प्रेस ज्याकेट र एन ९५ माक्स वितरण गरेका हुन् ।
जिल्लाबाट प्रकाशित साप्ताहिक पत्रिका, प्रकारित रेडियो, टेलिभिजन, अनलाइन र राट्रिय पत्रिकामा आवद्ध सञ्चारकर्मीलाई प्रेस ज्याकेट र माक्स वितरण गरेका थिए । कोरोनाको महामारीको वावजुद पनि आफ्नो ज्यान जोखिममा राखेर आम नागरिकलाई सुसुचित गर्न लागि परेका संचाकर्मीहरुलाई थप हौसला प्रदान गर्न ज्याकेट र माक्स बितरण गरिएको हुमागाईले बताए ।
अग्रभागमा रहेर काम गर्ने पत्रकारका निमित्त प्रेस ज्यकेट र एन ९५ मास्क वितरण गरेको उनको भनाई छ । यसअघि सोहि समुहले काभ्रेका स्वास्थ केन्द्रलाई पिपिई हस्तान्तरण गरिएको थियो ।
यसैमा हुमागाईले अब सरकारले ल्याउने नीति, कार्यक्रम तथा बजेट (कोभिड (१९) कोरोना भाईरस नियन्त्रण लक्षित हुनुपर्ने बताए । लकडाउनमा धेरै मानिसहरु रोजगार बिहिन भएको र भोकमरीको अवस्था सृजना हुन सक्ने भन्दै अबको निति यसमा केन्द्रित हुनुपर्ने बताए ।
उक्त कार्यक्रममा नेपाली काँगे्रसका जिल्ला सचिव दिनेश लामा, नेपाली काँगे्रसका क्षेत्रिय सभापति रमेशप्रसाद हुमागाई, नेपाल पत्रकार महासंघका अध्यक्ष मोतीराम तिमल्सिना, पूर्व अध्यक्ष नारायण सापकोटा, नेपाली काँगे्रस प्रदेश सभाका उम्मेदार सुन्दरमणि आचार्यले लगायतको उपस्थिती रहेको थियो ।
सोहि अवसरमा पत्रकार र कांग्रेस समुह बिच कोरोना महामारी र यसको रोकथामका निमित्त सुझव संकलन र छलफल पनि भएको जिल्ला सचिब दिनेश लामाले जानकारी दिए । हुमागाईले सञ्चारकर्मीले बन्दाबन्दीका कारण भोग्नुपरेको समस्याका बारेमा अन्र्तक्रिया गरेका थिए ।
नेपाल पत्रकार महासंघ काभ्रे शाखाका अध्यक्ष मोतीराम तिमल्सिनाले बन्दाबन्दीले सञ्चार क्षेत्रमा कार्यरत मजदुर बढी प्रभावित भएको जानकारी दिनुहुँदै कतिपय मिडिया हाउसले तलब नै नदिएको, बेतलबी राखेको लगायतको समस्या रहेको जानकारी गराएका थिए ।
