रोशी सहकर्मी–जेठ २५,
२०७७,काभ्रे/

जिल्लाको धुलिखेल अस्पतालमा पीसीआर परिक्षण गर्दा शुक्रबार कोरोना सङक्रमण पुष्टि भएकी महिलाको परिवारमा कोरोना नदेखिएको स्वास्थ्य कार्यालय काभ्रेले जनाएको छ । स्वास्थ्य कार्यालय काभ्रेका प्रमुख डा. नरेन्द्रकुमार झाले पनौती नगरपालिका वडा नम्बर ८ की कोरोना सङक्रमित महिलाको परिवारमा कोरोना संक्रमण नभएको जानकारी दिए । धुखिलेल अस्पतालमा भएको पीसीआर परीक्षणमा छ जना कै रिपोर्ट नगेटिभ आएको जानकारी दिए ।

पेट दुखेर बनेपा अस्पताल हुँदै धुलिखेल अस्पताल पुगेकी महिलाको पित्तथैलीमा समस्या देखिएकाले अप्रेसन गर्नु पर्ने बताए पछि उहाँको धुलिखेल अस्पतालमा पीसीआर परिक्षण गर्दा शुक्रबार कोरोना सङक्रमण पुष्टि भएको थियो । घर मै बसिरहेकी महिलामा कोरोना पोजेटिभ देखिएपछि पनौती बासी त्रसित भएका थिए । उनको परिवारको शनिवार पीसीआर परीक्षणका लागि स्वाव संकलन गरिएको थियो ।

त्यस्तै पाँचखाल नगरपालिकामा कोरोना पोजेटिभ देखिएकासँगै बसेका दुई जनाको पनि रिपोर्ट नेगेटिभ आएको स्वास्थ्य प्रमुख झाले जानकारी दिए । शुक्रबार एकै दिन काभ्रेका पाँच जनामा कोरोना पोजेटिभ देखिएको थियो । रोशी गाउँपालिकाका तीन, पाँचखाल र पनौती नगरपालिकाका एक/एक मा कोरोना पोजेटिभ देखिएको थियो । कोरोना देखिएका मध्ये चार जना भारतबाट आएका थिएन भने एक जना अस्पतालमा उपचारका लागि गएकी महिलामा देखिएको थियो ।

Facebook Comments