रेडियो रोशी÷काभ्रे,
रोशी गाउँपालिका वडा स्तरीय ‘रोशी कप २०८०’ फूटबल प्रतियोगितामा वडा नं. ९ ‘सि’ विजयी भएको छ । कार्तिक ३ गतेबाट नेपालीहरूको महान चाड विजया दशमी २०८० को पावन अवसरमा आयोजित प्रतियोगितामा वडा नं. ९ ‘सि’ विजयी भएको हो ।
‘स्वास्थ्यको लागि खेलकुद राष्ट्रको लागि खेलकुद’ भन्ने नाराका साथ शुरु भएको प्रतियोगिताको समापन शुक्रबार भएको हो । रोशी गाउँपालिकाको आर्थिक सहयोगमा पिन्थली युवा क्लवले आयोजना गरेको वडास्तरीय फूटबल प्रतियोगिताको उपाधी वडा नं. ९ ‘सि’ले जितेको हो । वडा नं. ७ लाई १–० ले पराजित गर्दै वडा नं. ९‘सि’ विजयी भएको हो । वडा नं. ९ ‘सि’सँग पराजित भएका वडा नं. ७ का टिम दोस्रो भएको छ । वडा नं. ९‘बी’ टिमलाई १–३ गोलले पराजित गर्दै वडा नं. २ तस्रो भएको छ ।
विजयी टिमहरूलाई प्रतिनिधिसभा सदस्य सुर्यमान दोङले सिल्ड, रोशी गाउँपालिकाका अध्यक्ष दिनेश लामाले चेक र प्रमाणपत्र र गाउँपालिका उपाध्यक्ष मिमबहादुर वाईबाले खेलाडीहरूलाई मेडन वितरण गरेका थिए । प्रथम हुने टिमलाई नगद ५० हजारसहित सिल्ड, मेडल र प्रमाणपत्र प्रदान गरेका छन् । त्यस्तै दोस्रो हुने टिमलाई नगद ३० हजार र तेस्रो हुने टिमलाई नगद २० हजारसहित सिल्ड, मेडल र प्रमाणपत्र प्रदान गरे ।
बेष्ट प्लेयरको उपाधी विशाल लामाले हात पार्नुभएको छ । त्यस्तै बेष्ट गोलकिपरको उपाधी सरोज लामाले र सर्वाधिक गोलर सुरज ज्यू ठकुरीले हात पारेका छन् ।
प्रतियोगिता समापन कार्यक्रममा संघीय सांसद सुर्यमान दोङ ‘लालध्वज’ले समाज परिर्वतन गर्नुछ भने युवाहरूलाई परिर्वतन गर्नुपर्ने बताउनुभयो । युवाहरूलाई सकारात्मक परिवर्तन गर्न सके समाज परिवर्तन गर्न सकिने उँहाकोे भनाई छ । फूटबल खेलले युवाहरूलाई अनुशासित गर्दै स्वस्थ समाज निर्माणमा टेवा पुग्ने उँहाले बताउनुभयो ।
पिन्थली युवा क्लवका अध्यक्ष राजकुमार लामाको सभापतित्वमा भएको सो कार्यक्रममा गाउँपालिका अध्यक्ष दिनेश लामा, उपाध्यक्ष मिमबहादुर वाईबा, प्रमुख प्रशासकीय अधिकृत रामबहादुर तामाङ, वडा नं. ७ का वडाध्यक्ष अशोक गौतम लगायतको उपस्थिती रहेका थिए ।
