काभ्रे,
काभ्रे जिल्लामै पहिलोपटक बनेपामा पब्जी प्रतियोगिता आयोजना भएको छ । जिल्लाको व्यापारिक केन्द्र बनेपा–८ मा अवस्थित बागमती अङ्ग्रेजी बोर्डिङ स्कुलमा अन्तर सदन पब्जी प्रतियोगीता सम्पन्न भएको हो । विद्यालयको स्थापनाकालदेखिनै बालबालिकाको सर्वाङ्गिन विकासका लागि विभिन्न प्रकारका अतिरिक्त क्रियाकलापहरु सञ्चालन गर्दै आईरहेको विद्यालयले जिल्लामै पहिलो पटक पब्जी प्रतियोगीता आयोजना गरेको हो । पब्जी खेलप्रती अभिभावकको नकारात्मक दृष्टिकोणलाई चिर्नको लागि पनि यो प्रतियोगिताको आयोजना गरेको विद्यालयका प्रधान्याध्यापक दिपेन्द्र बिष्टले बताउनुभयो । यस खेलले बालबालिकाको मानसिक रूपमा सक्रियता जगाउने बिष्टले बताउनुभयो ।
प्रतियोगिताको लागि विभिन्न चार सदनले भाग लिएका थिए। चार सदन मध्ये हरियो समुह (ग्रीन हाउस) पहिलो स्थान हासिल गर्न सफल भएका छन । त्यस्तै पहेलो समुह (एल्लो हाउस) दोस्रो र निलो समूह (ब्लु हाउस) तेस्रो भएका छन ।
बालमनोबैज्ञानिक दृष्टिले समेत पढ्ने, लेख्ने साथै विश्व जगतको बर्तमान परिबेशलाई सुहाउदो शैक्षेणिक कृयाकलापको रुपमा पब्जी गेमलाइ समेत लिन सकिने सम्भाबनालाई साकार रुप दिन यो प्रतियोगिताले निकै महत्वपूर्ण भुमिका निर्बाह गर्ने बिष्टको भनाइ छ । पछिल्लो समय नेपालका बिभिन्न गेमिङ टिमहरुले पब्जी प्रतियोगिता आयोजना गदैआएका छन् ।
