काभ्रे,
रोशी गाउँपालिकाले पर्यटन गुरुयोजना निर्माणका लागि प्रारम्भिक छलफल गरेको छ । गाउँपालिकाको पर्यटन गुरुयोजना निर्माणका लागि आज छलफल गरीएको हो ।
कार्यक्रममा गाउँपालिकाका अध्यक्ष दिनेश लामाले कृषि र पर्यटन बिकासविना समृद्ध रोशी निर्माण गर्न नसकिने बताउनुभयो । रोशीको नीति पर्यटन र कृषि भन्ने मूल नाराका साथ अघि बढेको लामाले बताउनुभयो ।
सो नीतिलाई साकार पार्नको लागि गुरुयोजना तयार पार्न लागेको उँहाको भनाइ छ । योजनाबद्ध रुपमा रोशीको पर्यटन बिकासको लागि गुरुयोजना तयार पार्न लागेको उँहाले बताउनुभयो । योजना मात्र बनाउने काम नगर्ने भन्दा पनि कार्यान्वयन हुने खालको गुरुयोजना तयार पारेर पर्यटनको बिकासमा लाग्ने उँहाको भनाई छ ।
रोशीको जनताको आर्थिक बिकास हुनेखालको पर्यटन बिकासका लागि गुरुयोजना तयार पार्ने अध्यक्ष लामाले बताउनुभयो । गुरुयोजना तयार पार्नको लागि नेपाल इन्टिग्रेटेड डेभ्लपमेन्ट प्रा.लि.ले परामर्श दाताको जिम्मेवारी पाएको छ । सो कार्यक्रममा विज्ञहरुद्वारा प्रस्तुतीकरण पनि दिएका थिए ।
उक्त कार्यक्रममा गाउपालिकाका उपाध्यक्ष मिमबहादुर वाइबा, प्रमूख प्रशासकीय अधिकृत राम बहादुर तामाङ गाउँपालिकाका प्रवक्ता वसन्त कुमार लामा, वडाध्यक्षहरु, गाउँपालिकाका शाखा प्रमूखहरु काएयपालिका सदस्यहरू लगायतको उपस्थिति रहेका थिए ।
